අරන් යන පොත් | Please Return

 

කියවීමේ රුචිය අඩුවෙලා කීවට තරුණ අය අතරෙත් පොත් කියවන අය ගොඩක් දෙනෙක් ඉන්නව. ඒක පේන්නෙ බුක් ෆෙයාර් එකකට වගේ ගියාම.හැබැයි ඔය ඔක්කොම එන්නෙ පොත් ගන්නද එහෙම ගන්න පොත් ඔක්කොම කියනවද කියන එක වෙනම ප්‍රශ්ණයක්.

මං ගොඩක් වෙලාවට මාසෙ පඩියෙන් පොතක් ගන්න අමතක කරන්නෙ නෑ. බුක් ශොප් එකකට යන්න පුලුවන් උනොත් නිවාඩු පාඩුව තියන වෙලාවට තෝරලා බලල පොත් කීපයක්ම ගන්නවා.අනික පුරුද්දක් විදියට පොතක් ගත්ත  ගමන් අලුත් කවරයක් දාන්නත් වගබලා ගන්නවා.

කලින් මෙහෙ පබ්ලික් ලයිබ්‍රි එකටත් බදිල හිටියා.ඒත් මට ආස මටම කියල අලුත් පොත් අරන් කියවන්න, එතකොට ඒ පොත් මගේමනේ :)

පොත් වලට ආස ආදරේ අය ගොඩක් පොත් පරිස්සම් කරනව. එපා වෙනම දේ තමයි පොත් බලන්ඩ අරන් ගිහින් ගෙනත් දෙනෙන් නැති එක. එක්කො බලන්නෙ නෑ අරන් ගියාට ඔහේ තියන් ඉන්නව එහෙම හිටියම අපිටත් අමතක වෙනව පොත දුන්නෙ කාටද කියල.

ගත්ත කෙනාට කිසි ගානක් නෑ ආය ගෙනත් දෙන්න ඔනේ කියල. ඔන්න ඔහොම තමා පොත් නැති වෙන්නෙ ඉතින් යාලුවන්ට උනත් පොත් දෙන්න හිතෙනවද ? :( 

මේකට විසදුමක් විදියට ලොක් කරන්න පුලුවන් පොත් අල්මාරියක් හදාගත්ත. පොතක් ගත්ත කවරයක් දැම්ම කියෙව්ව.ලොක් කරල දැම්ම. පොතක් කියවල ගෙනත් දුන්නම තමා ආය වෙනත් පොතක් දෙන්නෙ. ඇයි වදේ මම් ආසාවෙන් එකතු කරන කියවන පොත් එහෙම නැතිවෙන්න දෙන්න පුලුවන්ද ? ඒකේ අමාරුව, දුක තියෙන්නෙ මටනේ.

මික්ස් ස්කූල්ස් වල අයට ඕවා නෑ

මම නම් පුංචි කාලෙ ඉදන් ඉස්කෝලෙන් අයින් වෙනකම්ම ගියෙ මික්ස් ස්කූල්ස් වලට.ස්කූල්ස් කිව්වට මහ ගොඩක් නෑ...2කකට විතරයි ඉතින්.1 වසරෙ ඉදන් 5 වසර වෙනකම් ටවුන් එකේ තිබ්බ පොඩි ඉස්කෝලෙකට, ඒක මික්ස් ස්කූල් එකක්.ඒ කියන්නෙ ජාති දෙකෙන්ම ලමයි හිටියා...:).,ඊට පස්සෙ 5හේ විභාගෙ පාස් වෙලා මධ්‍ය මහා විද්‍යාලෙට.ඒකත් මික්ස් ස්කූල් එකක්.ඒකටත් ආව මික්ස් ස්කූල්ස් වල ලමයි වගේම කොන්වන්ට්,ජෝශප්ස් වගේ ඉස්කෝල වල ලමයිනුත් ..ගෑණු පිරිමි ළමයි එකට ඉන්න එක ඒ අයට නම් ටික කාලයක් යනකම් හුරු වෙන්න අපහසු උනා.

අපිට නම් ඒ හැටි ගානක් උනේ නෑ.මොකද පොඩිම කාලෙ ඉදන් අපේ හොදම යාලුවො උනෙත් පිරිමි ලමයි.කොන්වන්ට් එකෙන් ආව ගෑණු ලමයෙක්ගෙ ඇගේ පිරිමි ලමයෙක් වැදුනත් එයාලට නිකන් කහඹිලියා වගේ තමයි.හැමෝම නෙමේ සමහරු එහෙම හැසිරුනා.

මට මතකයි දවසක් කැම්පස් එකේදි  ඔහොම කොන්වන්ට් එකක ඉදලා ආව ලමයෙක් අපේ ටේබල් එකේ කෑම කනව.ඔක්කොම හිටියෙ ගෑණු ලමයි එතන.අපි අදුරන පිරිමි ලමයි කීපදෙනෙක් ආව විතරයි අරයට කකා හිටපු කෑම එක කන්න බැරුව ඒකත් අරන් නැගිටලා ගියා.එයාට පිරිමි ලමයි ආව එකෙන් අපහසුවක් දැනෙන්න ඇති හුරු නැති නිසා.

අපි ඒ ලෙවල් කාලෙ ටියුශන් යනවනේ, ඔන්න ඔය දවස්වල ක්ලාස්වල බංකු ගොඩක් එක ලගින් නේ තියෙන්නෙ ඉතින්...එක බංකුවක 8 දෙනෙක් විතර වාඩි වෙනව.දවසක් පරක්කු වෙලා ගෑණු ලමයෙක් ඇවිත් ඉස්සරහ බංකුවක වාඩි උනා ඊට පිටි පස්සෙ බංකුවේ  හිටපු පිරිමි ලමයෙක්ට ඒ එක්කම නැගිට්ටුනා.ලමයි හැමෝම හිනා උනා...

පස්සෙ ඒ පිරිමි ලමය කියල තිබුනා ඒ ලමය මගෙ ඇගේ ගෑවුන නිසා මම් නැගිට්ටෙ කියල.එයා යන්නෙ පිරිමි ස්කූල් එකකටලු.ගෑණු ලමයි එච්චරම හුරු නෑලු.ගෑණු ලමයි යාලුවොත් අඩුලු.

ඒත් සමහරුන්ට නම්  ඔය ප්‍රශ්න මොකවත් නෑ...මික්ස් ස්කූල් වල ලමයින්ට වඩා හොදට ජාති දෙකේම ලමයි එක්ක හොදට හැසිරෙන්න දන්නව.හොදට ගැටෙනව.

සමහර අම්මල තාත්තලා ලමයින්ව බෝයිස් ස්කූල්,ගර්ල්ස් ස්කූල් වලට යවන්න තීරණය කරනව.ඒක ඒ අයගේ කැමැත්ත.ඇත්තටම වඩා හොද එහෙම වෙන්වෙන්ව තියන ඉස්කෝලයකට ලමය යවන එකද නැත්තම මික්ස් ස්කූල් එකකට යවන එකද?
 
අදහස 01:
අපෝ තනි ජාතියක් ඉන්න එයෑ විනය අන්තිමයි

එකක් තමා විනයක් නෑ

ඕන වැඩක් කරනවා

අනිත් එක තමා ගෑල්ලමයෙක් එක්ක කතා කරන්ඩ ඕන විදිහ ඉගෙන ගන්නේ නෑ

ගෑල්ලමයි ඉන්නවනම් කෙල්ලෝ ඉන්න නිසා චාටර් නොවී ඉන්ඩ කොල්ලෝ බලනවා

ඒ නිසා නිකන්ම වගේ වැරදි වැඩ අඩු කරනවා

අනිත් එක තමා පංති වලපිලිවෙලක් නෑ.

ඒක ඉගෙන ගන්නේ නෑ

ගෑල්ලමයින්ගේ ඉස්කෝල වල නම් අඩුම ගානේ ගෑල්ලමයි හරියට පුටුවක වාඩු වෙන්න ඉගෙන ගන්නේ නෑ.

කෙල්ලෝ නිකන් කොල්ලෝ වෙන්ඩ යනවා.

සමහර වෙලාවට තරුණ පහේ ටීචර්ලට එහෙම ඉන්ඩ නෑ.

ඇයි ඉතින් ගෑල්ලමයෙක්වත් නෑනේ ඉස්කෝලේ

හික්ස් :)

අදහස 02:

මම නම් හිතන්නෙ මික්ස් ස්කූල් වලට යවන එක...

මම ගිය ස්කෝල 4ම ඒව

ම්ම්....

මේමයි

මං නං දකින විදියට ඔය වෙන වෙනම ස්කොල වලට යන අයගෙ මානසික ප්‍රශ්න වැඩියි

අනික අනාගතයේදි, සමාජගතවුනාම එහෙම අය සමාජයත් එක්ක මුසුවිම ගැටලුකාරි වෙන්න පුලුවං. 

 අදහස 03:

මික්ස් එකකට යවන එක .

හේතුව තමයි සාමන්‍යන් ළමයෙක් ලමා කාලයේ සිටම කවලමේ හිටියම විශේශත්වයක් දකින්නේ නැ.අ නික විරුද්ද පාර්ශවය හදුනා ගන්නවා. ඔවුන්ට දෙවර්ගයම සාමන්‍ය අය වෙනවා. වෙනම තියෙන ස්කොලෙක එහෙම වෙන්නේ නැ. ඔවුන්ට ආශාවක් කැමැත්තකින් පෙලෙනවා. මික්ස් එකක නම් ඔවුන් අශරය කරන්න සම වයසේ ලමුන්.නමුත් ගැනු ලමයින්ගේ විතරක් එකකදි ඔවුන් කුමන හෝ පිරිමියෙක් වෙත ආකර්ශනය වෙනවා. අද සමාජයත් එක්ක ගත්තම දරුවා අමරුවේ වැටෙන්න තියෙන ප්‍රතිශතය එතකොට වැඩියි

 අදහස 04:

මික්ස් ස්කූල් එකකට යවන එක

එතකොට ඇම්ම අඩු වෙනවා

නැත්තම් ඇම්ම වැඩි වෙනවා

විරුද්ධ ලිංගිකයන් ගැන විකෘති අදහස් එනවා

මික්ස් ස්කූල් වල අයට ඕවා නෑ 

අදහස 05:

ඉස්කොලේ නොයවා ඉන්න එක තාම හොද මයේ හිතේ ..:P

අදහස 06:

mix

reason

gl schols are full of drty attitudes, no need to explain ne

wt abt boys schools then?

gls try to get thr freedom at schol

bt byz have it alredy in society.

මෙන්න මෙහෙමයි කීපදෙනෙක් මේ ගැන අදහස් ප්‍රකාශකරේ... මේ දේ සම්භන්ධයෙන් ඔයාලගෙ අදහසුත් කියන්න බලන්න.ඇයි මෙහෙම වෙන් වෙන් වශයෙන් ස්කූල්ස් ඇති වෙන්න ඇත්තේ...???

කොහෙද බොල බස් හිටවන්නෙ

ලංකාව පුංචි රටක් උනත් එක එක පළාත් වලට විශේෂ වෙච්ච වචන,භාෂා විලාස තියනවනේ.ඒවට කියන්නෙ "ප්‍රාදේශීය ව්‍යවහාර" කියල.

මාතර ගාල්ල පැත්තේ එක විදියක්. නුවර පැත්තෙ තව විදියක්.අනුරාධපුරේ පැත්තට වෙන්න තවත් විදියක්.ඔන්න ඔය විදියට කතා කරන වචන, විලාශය එක එක ප්‍රදේශ අනුව පොඩ්ඩ පොඩ්ඩ වෙනස් වෙනව.

මම් බදුල්ලෙ ඉන්න කාලෙ එහෙ සමහරු කෑවද? ගියාද? කියල ප්‍රශ්ණ අහන්නෙ නෑ.එයාල කෑවා...බීවා... කියල ඇදලා තමයි කතාකරන්නෙ. ඒ එයාල කතා කරන විදිය.

සමහර අය කන්ට බොන්ට යද්දි සමහරු කන්ඩ බොන්ඩ යනව.සමහරු කන්න බොන්න යන්නෙ.

මේ සිද්ධිය වෙලා වසර කීපයක්.කැම්පස් ඉන්න කලෙ ඔය එක එක පළාත් වල අය එකට සෙට් උනාම කතාකරන්න එක එක විදියේ මාතෘකා ඇදිලා එනවනේ.

ඔය අතරේ එක එක පැති වල කතාබහ කරන ආකාර ගැනත්  කතාවක් ආව.එකෙක් එක පාරට කියපි,ආ...උඹලෑ පැත්තෙ කුඩේ බානවා නේද?...කියල.

අනේ පල (&%*^$%#&^.... ආ එහෙනම් උඹලා මොකද කියන්නෙ?

නෑ ඉතින් අපිනම් කියන්නෙ කුඩේ අකුළනව,කියලනේ.හිකි.. .හිකි... හූඌඌඋ....

ඇයි බං මතකද දවසක් (ලගම ඉන්න කෙනෙක්ව ඉගියකින් පෙන්නමින්).දවසක් අපි ටවුන් ගියා... ආව මුල් කාලෙම හරිද... මෙයා එක පාරටම බස් එකක් නැවත්තපු වෙලේ, අන්න බස් එක හිටෙව්වා...යං යං...කියල මාවත් ඇදගන දිව්වා.

මට මැරෙන්න හිනා... කොහෙද බොලෙ බස් හිටවන්නෙ හරියට ගස් හිටවනව වගේ හිකිස්...

ඔහොම දෙයක් කියල කෙනෙක්ව අවුස්සලා කම්මැලිකම යාවාගන්න ගිහින් සමහරුන්ගේ ඇස් රතුවෙන වෙලාවලුත් තිබ්බා,ඒව ඉතින් ටික වෙලාවයි.

ඒත් පස්සෙ මතක් කරද්දි එහෙමත් කාලයකුත් තිබ්බ නේද කියල හිතෙනව.ආය එහෙම කාලයක් එන එකක් නෑ.දැන් ඉතින් හැමෝම බිසී වෙලානේ.කතා කරන්නවත් කොහෙද වෙලාවක්.

කුරුමිට්ටා මකනය

http://en.challenge-coin.co.jp/blog/2011/02/25/20110124-07.jpg

මේ කියන්න යන සිදුවීම වෙලා දැනට අවුරුදු 20කටත් වැඩිය වෙනව.එතකොට මං 2 වසරේ, මට හිටියා යාලුවෙක් සමිතා කියල.එයාලගෙ තාත්ත හිටියෙ ජපානේ.

ඉතින් කාලෙකට පස්සෙ එයාගෙ තාත්තා රට ඉදන් ආවාහම සමිතා එක එක විදියේ ගැජට් ඉස්කෝලෙටත් අරන් එනවා බෑග් එකේ දාගන.පොඩි බෝනික්කො...,ටෙඩියෝ...,ස්ටිකර්... ඔය වගේ දේවල්.

ඔය අතරේ එක දවසක් ගෙනාවා අරුම පුදුම මකනයක්.මං දැකලා තිබ්බෙ නෑ ඒවගේ එකක් ඊට කලින්.


අෆ්ෆා ඒ මකනේ කොච්චර ලස්සනද?...මට එහෙම එකක් නෑනේ!...:(

මට හිතුනෙ එහෙමමයි.ඒ දවස් වල අපිට තිබ්බෙ,හැම ලමයම වගේ පාවිච්චි කරේ කොටු මකන.එක එක සුවද ජාති ඔබ්බපුව නම් තිබ්බ හැබැයි.

 

ඒ වගේද මේ මකනේ.ඒ මකනේ හිටියෙ  තැඹිලිපාට පොඩි කුරුමිට්ටෙක්.මතක විදියට පොඩි කුරුමිටි සෙබලෙක්.! 

සුවදම සුවදයි.අමුතුම සුවදක් තිබ්බෙ.මම් හිතුවෙ ඒ ජපන් සුවද වෙන්ඩැති කියලා.සමිතා හරි හොදයි එයා එක මට බලන්න දුන්නා, මකන්නත් දුන්න, මට දුක හිතුනා ඒකෙන් මකන්න.ගෙවිලා ඉවර උනොත් කියල.


දවස් කීපයක්ම සමිතා ඒ මකනේ ඉස්කෝලෙට ගෙනාව,එයත් එක්ක හිටපු යාලුවොන්ට ස්ටිකර්ස් එහෙමත් ගොඩක් දුන්න,ඒවා මෙහෙ ඒව වගේ නේමේ.හරිම ලස්සනයි,දිලිසෙනව.මං ඒවත් අලවන්නෙ නැතුව ලස්සනට පොත් අස්සෙ දාල තියාගත්තා.

ඒ උනාට මකනෙට තිබ්බ ආසාවනම් ඇතැරුනේ නෑ.දවසක් සමිතට හොරෙන් මං ඒ මකනේ බෑග් එකේ දාගන ගෙදර ගෙනාවා.

වැඩේ කියන්නෙ මට ඒක ආය ඉස්කෝලෙ අරන් යන්න හිතුනෙත් නෑ,අක්ක දැක්කොත් අනිව අහනව කොහෙන්ද කියලා.ඒ නිසා එයාටත් නොපෙනෙන්න හංගලා තමයි තිබ්බෙ ටික දවසක්.පස්සෙ ඉතින් මම් කිව්ව ඒක මට සමිතා තියාගන්න දුන්න කියල.එතකොට එයාට සැක හිතෙන්නෙත් නෑනේ.:)


ඔහොම තියාගන තියාගන ඉදලා ඊට හරියට අවුරුද්දකට විතර පස්සෙ තමා ඒ කියන්නෙ 3 වසරෙදි මේක ආයෙත් ඉස්කෝලෙ අරන් ගියා,ඒ වෙද්දිත් ඒ මකනේ ගෙවිලා තිබ්බෙ නෑ.ඉවරවෙයි කියල ඒකෙන් මකන්නෙ නෑනේ ආසාවට තියන් ඉන්නව:). 

ගෙනිච්ච දවසෙම සමිතා, ආ... මේක කොහෙන්ද ඔයාට ?...මේ මගෙ නැති වෙච්ච මකනේ...මෙච්චර දවසක් ඔයා ලගද තිබ්බේ...මම් කොච්චර හෙව්වද?... ඔහොම දිගට කියවන්න ගත්ත,ඒ මකනේ යාලුවොන්ටත් පෙන්නුව:(. එතනින් එහාට වෙච්ච දේවල් කියන්න ඔනෙද?

පාර්ට් ටයිම්

එයා සමීර, දැන් අවුරුදු 21ක් විතර වෙන පොඩි කොලු ගැටයෙක්.අපේ ගෙදර ඉස්සරවෙලාම ආවෙ මගෙ යාලුවෙක් වුන මල්ලි කෙනෙක් එක්ක.ඒ සමීර ඒලෙවල් වලට මෙහෙ සෙන්ට්‍රල් එකට ආව අලුත ,බෝඩිමක් හොයන්න යන ගමන්.මොකද එයාලගෙ ගෙදර තිබ්බෙ පදවිය පැත්තෙ.

ඒ ලමය ඇවිත් තිබ්බෙ අපේ ගෙදර ඉන්න පුලුවන්ද බලන්න,මොකද ඉස්කෝලෙටත් ටියුශන් ක්ලාස් වලටත් ලග නිසා.කොහොම හරි මගෙ යාලුවගෙ කීමට ඒ ලමයව අපි අපේ ගෙදර නවත්ත ගත්තා.එයාට පිටින් හදල  තියන කාමරය දුන්න.අවුරුදු 2ම ඉවර වෙනකම් එයා අපේ ගෙදර හිටියා,ගෙදර අයටත් කිසි කරදරයක් නෑ තමන්ගෙ පාඩුවේ ගෙදරම කෙනෙක් වගේ අන්තිම කාලෙ වෙද්දි හිටියේ.

සමීර ගොඩක් අපහසුකම් මැද්දෙ තමයි ඉගන ගත්තේ.මුදල් හදල් ගොඩක් අඩුපාඩුකම් තිබුනා.අම්මයි තාත්තයි කරේ ගොවිතැන්,තව අක්කලා දෙන්නෙකුයි නංගි කෙනෙකුයිත් හිටියා.අපිත් පුලුපුලුවන් හැටියට එයාට උදව් කරා,කෑම ගත්තෙ පිටින් උනාට ගොඩක් වෙලාවට අපි කනදේවල් වලින් එයාටත් දෙන්න පුරුදුවෙලා හිටියා.

කොහොම හරි මුල්මවතාවට එයාට කැම්පස් යන්න පුලුවන් උනා.අපිටත් ගොඩක් සන්තෝස හිතුනා.දැන් එයා කැම්පස් එකේ මැනේජ්මන්ට් ඩිග්‍රී එක කරනව.ඉදලා හිටලා අපේ ගෙදරත් ඇවිත් යන්න එනව.දවසක් අම්මට කෝල් එකක් ඒ අර සමීර මල්ලි.ආගිය විස්තර කතා කරන බවක් තමා පෙනුනේ.

අම්ම කතාබහ කරලා සංවාදය නිමාකරේ සෑඩ් මූඩ් එකකින් බව පෙනුනා .අපි අහන්නත් කලින් අම්ම එකට හේතුව කියන්න ගත්තා.

සමීර...

ආ...

දැන් 2 සෙමෙස්ටර් එකේ ස්ටඩි ලීව් ලු.හොස්ටල් ඉන්නෙ කිව්වෙ.

එහෙමද?

ලොකු අක්කත් බැදලා,දැන් බබෙක් හම්බ වෙන්නලු.දෙවනි අක්කා අවසාන අවුරුද්දෙලු.

ආ... අර ඒ කාලෙ මෙහෙත් ආවෙ,ඒ දෙවනි අක්ක නේද?

ආ...න්න ඒ ලමය තමා.

ඉතින්.?

වියදමත් වැඩීලු.මහපොලෙන් ඉතින් කීයද හම්බ වෙන්නෙ ඕක ඇතැයි.මේ ලමය ලෙක්චර්ස් ඉවරවෙලා හවසට යනව කියන්නෙ බදාම දෙන්න..

බදාම දෙන්න???......නෑ...කොහෙද?

අදුරන කෙනෙක්ලු සෙට් කරල දුන්නෙ.සතියට කීපදවසක් යනවලු රෑට.කොහෙද මන්ද මොකද්ද වැඩපලක් කිව්ව.හොද ගානකුත් හම්බ වෙනවලු.

කියවිල්ල එතනින් ඉවර උනේ නෑ අපිටත් හොද උපදෙස් ටිකක් ලැබිලයි ඒක නතර උනේ.ආන්න දැක්කනේ ඒ ලමය කොච්චර මහන්සි වෙනවද ඉගන ගන්න.මෙයාලට අගේ නෑ.දැන් ඕනේ කියන්නෙ මොනාද දැන් ගෙනල්ල දෙනව.එක අතකින් අපහසුකම් දැනෙන්න අරින්න ඔනේ... දුක දැනෙන්න අරින්න ඕනේ... අම්ම ඔහොම දිගට දිගට කියවගන කියවගන ගියා.

අය්යට ගොඩක් දුක හිතිලා තිබ්බ.එයා ටීශර්ට්,කලිසම් ගොඩක් එකතු කරල සමීරට දෙන්න කියල අපිට දුන්න.ලගදි දවසක මං එයාට කෝල් එකක් දුන්න පුලුවන් වෙලාවක ගෙදර ඇවිත් යන්න එන්න කියල.

ස්ටඩි ලීව් එකේ ඉන්නෙ අක්කා....හෙට එන ගමන් එන්නම්!... 

කියල එයා කිව්ව.පස්සෙන්දා දවල් මල්ලකුත් කරගහගෙන අපේ ගෙදර ආවා.

ස්ටඩි ලීව් කිව්ව නේද මේ කොහෙද මල්ලකුත් අරන් යන්නෙ?

ඔව් අක්කා, ස්ටඩි ලීව් එකේ තමා ඉන්නෙ.මේ දවස් වල කුඹුරු වැඩ.මම් ගියා ටිකක් උදව් වෙලා එන්ඩ කියලා මේ දවස් වල කුඹුරුවැඩ, හානව.

හොස්ටල් පාර්ටි

කැම්පස් එකේදි අපි මුලින්ම හිටපු හොස්ටල් එක තිබ්බෙ කැම්පස් එකට ටිකක් දුර තැනක,ඒක කලින් පොඩි හොටෙල් එකක් වගේ තිබ්බ තැනක්.පස්සෙ කැම්පස් හොස්ටල් එකකට අරන් තිබ්බ.ඔක්කොම ගෑණු ළමයි 34ක් හිටියා.ඊට අමතරව වෝර්ඩන්, සබ්වෝඩර්න් එක්ක තව ආන්ටි කෙනෙක් හිටියා අපේ උදව්වට.ආ LSO කෙනෙකුත් හිටියා.

මාස 6කට (මුල්ම සෙමෙස්තරයෙන්) පස්සෙ අපේ හොස්ටල් වල ළමයි  මාරු කරනව කියල නෝටිස් එකක් තිබ්බා.ඒක නිසා අන්තිම දවසේ, අපිලග තිබ්බ ලට්ට ලොට්ට ඔක්කොම බැදගන අලුත් හොස්ටල් වලට දාල තමයි ගෙදර යන්න උනේ නිවාඩුවට.

සමහ‍රුන්ගේ ඒ හැටි කැමැත්තක් තිබ්බෙත් නෑ හොස්ටල් මාරු කරනවට,මොකද ඒ වෙද්දි යාලුවො සෙට් වෙලානේ හිටියෙ.වෙන් වෙන්න දුකයි නේ.ඒත් සමහරු කැමැත්තෙනුත් හිටියා,ඒ දුර හොස්ටල් වල අය,ඒ අයට ලග හොස්ටල් ලැබෙයි කියල හිතලා.

විභාගෙත් ඉවරවෙලා ගොඩක් සැහැල්ලුවෙන් ඉන්න දවස්නේ ඉතින්,කට්ටිය කතා උනා ගෙදර යන්නෙ හෙට කියල පාර්ටියක් දාමු කියල.ඔන්න ඉතින් කට්ටියගෙම එකගතාවයෙන් කේක්ද, බිස්කට්ද, මාස්මෙලොස්ද, බීමද(පැණිබීම), සැන්විචස්ද අරවද මේවද කෑම ගොඩාරියක් එකතු කරගත්ත, කට්ටියම කලෙක්ශන් එකක් දාලා.

එදා රෑ 9.30 ට විතර පාර්ටි එක  පටන් ගත්ත,පාර්ටි එක තිබ්බෙ හොස්ටල් එකේ ග්‍රවුන්ඩ් ෆ්ලෝර් එකේ.අපේ හොස්ටල් එකේ හිටිය වෝර්ඩන්ටත් එන්න කියල කේක් අරව මේව කන්න දුන්න.විභාගෙත් ඉවර වෙලා නිදහසේ ඉන්න නිසා එයත් කිසිම අවවාද අනුශාසනාවකින් තොරව හැමෝටම සුබ පතලා කාල බීල රූම් එකට ගියා.අපේ කන බොන වැඩේ දිගටම කරගන ගියා.ඒ අස්සෙ හිමීට හිමීට සින්දුත් කියන්න පටන් ගත්තා.

ඒ දෙසැම්බර් කාලේ ,කියන්න ඔනේ නෑනේ ඒ කාලෙට අපි හිටපු පැත්තේ සීතල කොහොමද කියලා.කට්ටියම ජර්සි දාගන අයිස් කැප් දාගන තමා පාර්ටි එකට ඇවිත් හිටියේ.එළියට යන්න බෑ "කට කට..." ගාල ගැහෙන සීතල. 

ඒ අස්සෙ සල්ලි එකතු කරපු සෙට් එක අයිස් ක්‍රීම් ටබ් කීපයකුත් උස්සන් ඇවිත් තිබ්බා.

මේ සීතලේ මොන අයිස් ක්‍රීම් ද?...

එහෙම කියල කෑම අතැරියේ නෑ...කට්ටියම ඒකටත් වග කිව්වා.ඒ අස්සෙ සමහරුන්ට හෙම්බිරිස්සාව.

කාල බීලා සින්දු කියල හෙම්බත් වෙලා,ඒ වෙද්දී හරියටම 12ට විතර ඇති. මාත් එක්ක හොස්ටල් මාරුව ගැන ප්‍රශ්නයක් ඇතිකරගත්ත යාලුවෙක් ලගට ඇවිත්, කතා කරා.එයාට හෙන යාලුවො සෙට් එකකුත් හිටියා,අපිත් ඉතින් හොදට කතාබහ කරල තරහ මරහ ප්‍රශ්න තියාගන්න ඔනේ නෑ කියල මතභේද සමතයකට පත් කරා.

වරෙන්කො පොඩ්ඩක් කාමරේට...

කියල මෙන්න මුන් සෙට් එකම මාව කාමරේට එක්කන් ගියා.එක්කන් ගියා නෙමේ ඇදගන ගියා.6 දෙනෙක් විතර ඇදන් යද්දි කොහෙ නවතින්නද.මම් ඇදිලා කෙලින්ම ගිහින් නැවතුනේ එයාල කාමරේ තිබ්බ ඇටැච් බාතෲම් එකේ.මෙන්න එකපාරටම පුරවලා තිබ්බ වතුර බේසම් 2ක් 3ක් විතර ඔලුවෙ ඉදන් "තොස් තොස් තොස්" ගාලා වැක්කෙරුනා,අත් දෙක එහා මෙහා කරන්නත් හැටියක් නෑ.ඇයි 6 දෙනෙක් විතර අල්ලගනනේ.උනුත් බාගෙට නෑ වෙනව.එකෙක් බිඩේ ශවර් එකෙනුත් වතුර අල්ලනව.

මං හොදටම නෑවිලා. මාත් එක්ක හිටපු යාලුවො සෙට් එකත් හොදටම නෑවුනා.පස්සෙ අපි අනිත් අයවත් ටබ් එකට පුරවලා තිබ්බ වතුරෙන් බාල්දි, බේසම් පුරවලා ඇතිවෙනකම් නෑව්වා. පව්නේ නැත්තම්.එදා රෑ 1ත් පහුවෙනකම් හොස්ටල් එකේ 34 දෙනාම නෑව්වා.1 ෆ්ලොර් එකයි ග්‍රවුන්ඩ් ෆ්ලොර් එකයි දෙකේම වතුර.

අදින්න ඇදුනුත් නෑ, ඇදන් හිටපුව ඔක්කොම තෙමිලා,අනිත් ඒවා ඔක්කොම හෙට අරන් යන්න,අලුත් හොස්ටල් ගිහින් දාන්න බෑග්ස් වලට දාල ලොක් කරල.වෙව්ල වෙව්ලා ඉබ්බො ගලවන්න උනා බෑග්ස් වල ඇදුම් ගන්න.පුදුමේ කියන්නෙ ඔච්චර හරියක් කරනකම් වොර්ඩන් සද්දයක් දැම්මෙ නැති එක.

දැන් කොහොමද මම් පාරේ බැහැල යන්නෙ :(

එක එක කාලෙට එක එක දේවල් අත්හදා බලන්න හිතෙනවනේ අපිට.ඔන්න මගෙ යාලුවෙකුටත් මේ ලගදී ඉදන් කොන්ඩෙ ගැන එක එක පිස්සු හැදිලා.එක අතකින් ඒක පිස්සුවකුත් නෙමේ.ගෑණු ලමයි ඉතින් ස්භාවයෙන්ම ලස්සනට ඉන්න එක එක දේවල් කරන්න ආසයිනේ.විශේෂයෙන් බියුටි කල්චර් :).කැම්පස් ආව කාලෙ එයාට තිබ්බෙ හොද කර්ල් කොන්ඩයක් ලේයර් කරපු.අවුරුදු 4ම එහෙම ලේයර් එකම තියාගන හිට්යා කොට කර කර කප කපා.

පස්සෙ ක්‍රේල් කොන්ඩෙ හොද නෑ කියල කෙලින් කරන්න ඔනේ උනා.හා යමන්කෝ එහෙනම් කියල මමත් ඉතින් තනියට පස්සෙන් ගියා.එදා එයා කොන්ඩෙ කෙලින් කරා.රීබොන්ඩින්ද මොකද්ද කියල එකක් තමා කරේ.ඒ ගැන ලිව්ව විස්තරේ මෙන්න මෙතන ඇති.

ඒක නම් කාලයක් යනකම් ඒ කියන්නෙ මාස 10 ක් විතර හොදට මේන්ටේන් කරගන හිටියා.මේ වෙද්දි හොදට දිගට කොන්ඩෙ වැවිලා තිබ්බ.රිබොන්ඩින් එක කරේ ලේයර් එක අයින් කරල,ඒ නිසා කොන්ඩෙ එක ගානට දිගට තිබ්බා.

මෙන්න ආය ටික දවසකට කලින් කියනව,අනේ මේ කොන්ඩෙ මට දැන් ඇති වගේ...කොන්ඩෙත් ටිකක් වැවිලා නේද?...ආය ලේයර් එකක් කරන්න ඕනේ... කියල.මටත් මොකද එයාගෙ ආසාවනේ කියල, තනියට ගියා මේ සැරෙත්.කොන්ඩෙ කපාගන එනකම් සැලූන් එකේ තියන පත්තර බල බලා වාඩිවෙලා ඉන්නනේ තියෙන්නෙ,අහ් ඇයි සැලූන් එකට එන යන අය නරඹ නරඹා ඉන්නත් පුලුවන්නේ.

තිබ්බ කොන්ඩෙ ලේයර් කරන කම් පැය 1/2 ක් විතර බලන් හිටියා.

මෙන්න බොලේ මූණ නරක් කරන් එළියට එනව.පස්සෙ සල්ලිත් ගෙවල හිනාවක් දාගනම අපි දෙන්න එන්න ආව.කිසි කතා බහක් නැතුව ඔහේ යනව.මම් වැලමිටට ඇනල මොකද...කියල ඇහුව.

බලන්නකො මම් කිව්වෙ ලෙන්ත් එක තියල කපන්න කියලනේ.එයත් හා කිව්ව.දැන් කොහොමද මම් පාරෙ බැහැල යන්නෙ?හොදටම කොට කරලනේ.මේ...මට බකස් ගාල හිනා යන්න ආවත් ආයාසයෙන් වලක්ව ගත්ත.හොද වැඩේ කියන්නත් හිතලා....පස්සෙ එච්චරටම කැතක් නෑ... ඔය හොදට තියෙන්නෙ... කියල කිව්ව මොකටද නිකන් හිත රිදවන්නෙ.

ඒ සැරේ ආය කියපි කොන්ඩෙ උඩ හරියෙ කර්ල් ගතිය පේනව,දැන් වැවිලනේ...මම් ඉරිදට දාගත්ත රිලැක්සින් එකක් කරන්න කියල.එතකොට කොන්ඩෙ හොදට සෙට්වෙයි.මමත් ඉතින් හා එහෙනම් එතකොට හරියයි කියල නිකන් හිටිය.ඒ කියන්නෙ මේ ඉරිදා මටත් එයත් එක්ක රිලැක්සින් එකට යන්න වෙනව.

බී.. යූ.. ටී.. බට් ! සී.. යූ.. ටී.. කට්! පී.. යූ.. ටී.. ?

ඔන්න ඉස්සර කාලෙ භාශා කීපයක්ම දන්න කෙනෙක් හිටියලු.ඒ කාලේ ඉදලා තියනවනේ භාශා 6 ක් 7ක් දන්න හාමුදුරුවරු පවා.

මේ කියන කෙනත් ඔක්කොම භාශා ඉගන ගත්තෙ තනියමලු.ඒ තරම් හැකියාවක් තිබ්බලු.

ඔය අතරේ සිංහල, පාළි, සංස්කෘත, හින්දි, උර්දු, දෙමළ....ඔය වගේ භාශා වලට අමතරව එයාට ඕනේ උනාලු ඉංග්‍රීසි භාශාවත් ඉගන ගන්න.

ඒත් ඉතින් කාගෙන් උදව් ගන්නද?

ඉංග්‍රීසි දන්න කෙනෙක් හත්ගව්වක නෑලු.

කොහොමහරි පොතක් හොයාගන ස්ව‍යං අධ්‍යනය ( සෙල්ෆ් ස්ටඩි!! ) කරන්න හිතාගත්තලු. ඔන්න ඉතින් ඉංග්‍රීසි ව‍‍ය්‍යාකරණ පොතකුත් අරන් ඇවිත් කියවන්න ගත්තලු.

ඉංග්‍රීසි හෝඩිය එහෙමත් කියවලා...

අකුරු දෙක තුනේ පොඩි පොඩි වචන  කියවන්න ට්‍රයි කරාලු.

බී.. යූ.. ටී..  කියන්නෙ බට්

එතකොට සී.. යූ.. ටී..  කට්

පී.. යු.. ටි.. පුට් 

ඈහ් ...එහෙම වෙන්නෙ කොහොමද???

බී.. යූ.. ටී..  බට්      සී.. යූ.. ටී..  කට්  නම්

පී.. යු.. ටි..  පට් වෙන්න එපැයි!!!

මුන්ගෙ &*%*&^$&^$&^  අහවල් භාෂාව!!!

කියල ඒක ඉගනගන්න එක අතෑරල දැම්මලු.

ආ යූ මෑඩ්? | NOT NOT

ආ...මේක නම් ටිකක් විතර පරණ කතාවක් අවුරුදු 3ක් විතර පරණ එකක්.කෙටියෙන්ම කියන්නම්කෝ.

ඔන්න දවසක් ගෙදර ආව කැම්පස් නිවාඩුවකට, ඒ කාලේ මම් පාවිච්චි කරේ කාඩ් දාල කතා කරන සිම් එකක් නේ.ඉතින් 100ක් දැම්මම,ඉක්මනින් ඉවර වෙනව.

ගෙදර ආවම කතාකරන්න සල්ලි නෑ,ෆෝන් එක වැඩ නෑ. රීලෝඩ් කරන්නත් කම්මැලියි.

ඔන්න ඉතින් අක්කත් ඇවිත් හිටිය දවසක අක්කගෙ ෆෝන් එක බැලලි බැබලී තියනව මේසේ උඩ.එයා ඩයලොග් මම් මොබිටෙල්.

දෙපාරක් හිතුවේ නෑ අක්ක නැතිවෙලාවක් බලලා ගත්ත කෝල් එකක්,අදාල කෙනාට.

අදුන්වල දෙන්න කාරියක් උනෙත් නෑ හෙලෝ කියපු ගමන් දන්නව කවුද මේ කතා කරන්නෙ කියල, ඒ තරම් සමීපයි යාලුව.ආගිය ගමන් විස්තර ,බ්ලා බ්ලා... තව දේවල් කියල ෆෝන් එක කට් කරා.

පස්සෙ නොම්බරෙත් මකලා දැම්මා.

මෙන්න දවස් 2කට විතර පස්සෙ හවසක අක්ක ෆෝන් එකෙන් හයියෙන් හයියෙන් කාත් එක්කද කතාව.මෙන්න දෙබස, මට අක්ක කියන ඒවා විතරනේ ඇහෙන්නෙ.

හෙලෝ

 ..................................

මම් නම් රින්ග් කරේ නෑ.

........................................

වැරදීමක් වෙන්න ඇති මම නම් රින්ග් කරේ නෑ.

.................................................

නැ..නැ...මම් රින්ග් කරේ නෑ.!.

.............................................

අක්කට හෙනට තරහ ගිහින් කට් කරා ෆෝන් එක.

ඇයි? කියල මම් ඇහුව.

මොන පිස්සෙක්ද මන්ද?...මම් රින්ග් කරල තියනවලු ඒකාට.වෙන වැඩ නෑනේ.!....කොහෙද යන පිස්සෙක්.හෙන කොල්ලො සෙට් එකකුත් ඉන්නව ඇහෙනව,මුන්ට වෙන වැඩ නැතුවට!...අක්ක බැනගන බැනගන යනව...

අන්න ආය රින්ග් වෙනව.

ආ ආයෙත් අරකා...

හෙලෝ!...

erwrw werww sdfsd efsdf .......... sfsdfsd sdfsfsdfs. werww sdfsd efsdf sfsdfsd .

අම්මට සිරි මෙන්න අක්ක කඩ්ඩෙන් අර කෝල් කරපු කෙනාට බනිනව.හයිස්පීඩ් එකෙන් බැනගන බැනගන යනව.

ඒ අස්සෙ ආ යූ මෑඩ්? කියලත් ඇහුවා.

මෙන්න බොලේ අක්ක හිනාවෙනව.ඇහ්... 

කට් කරා ෆෝන් එක.

කොහෙද යන පිස්සු සෙට් එකක්...මම් "ආ යූ මැඩ්?..." කියල ඇහුවම කතා කරපු එකා කියනව,අයැම් මෑඩ්! නොට් නොට්! ලු.

ඒ අස්සෙ ලග හිටපු එකෙක් ඉල්ලනව දියන්කො මම් කතා කරන්නම් කියල.ස්පීකර් ඔන් කරලද කොහෙද?අනිත් අයත් හිනා වෙනව.

දෙනවකො බලන්න නොම්බරේ කියල,මගෙ ෆෝන් එකේ කන්ටෑක්ට් ලිස්ට් එකත් එක්ක ඒ නොම්බරේ චෙක් කරා.හෆොයි!...මේකා!...මලකෙලියයි!...

ඒ මම් එදා අක්කගෙ ෆෝන් එකෙන් කෝල් එක ගත්ත යාලුවා.කෑ ගහපු කෙනා Noisy වෙන්න ඕනේ.

එදා මම් ගත්ත කෝල් එක නිසා තමයි යාලුව ලග අක්කගේ නොම්බරේ තිබිල තියෙන්නෙ.ඒ වෙලාවේ සේව් කරගන්න නැතුව ඇති!....ෆ්‍රී ඉන්න වෙලාවක නිකන් රින්ග් කරල බලන්න ඇති කවිද කියල. 

රින්ග් කරාම කෙල්ලෙක්ගේ ගේ කටහඩ නිසා ආයෙත් ගන්න ඇති කියල තමා මට හිතුනේ.

ප.ලි: Noisy කියන්නෙ මගෙ යාලුවගේ අතිජාත මිත්තරයෙක්.ටිකක් කට වැඩි නිසාම තමයි  මම් එයාට ඔය නම දැම්මේ.සමහර විට මේ පැත්තෙත් එන්න ඉඩ තියන නිසා වැඩි විස්තර නොකියා ඉන්නම්.මළකඩයා කිව්වමත් හොදට තරහ යනව. මේ හැමදේම ලිව්වෙ විහිලුවට ඔන්න තරහ එහෙම ගන්නව නෙමේ!...

මේක වෙනස්නේ | Sir...Two papers are different?

මේ කතාව අපේ Maple ලැබ් සෙශන් එකක වෙච්ච දෙයක්,ඒ දවස් වල අපි 2වෙනි අවුරුද්දේ ඉගන ගන්නව.අපිට උගන්නන්න හිටියේ, අපිත් එක්ක ඉගන ගත්ත පිරිමි ලමයි ගොඩකටත් වඩා පොඩිම පොඩි සර් කෙනෙක්.

එයා වැඩිය කතා බහක් නෑ.විශේෂයෙන් ගෑණු ලමයි එක්ක.ආවා ඉගැන්නුව ගියා.වැඩිය හිනාවීම් නෑ.පාඩුවේ තමන්ගේ වැඩ ටික කරලා යනවා.

එයාට ඒ හැටි වයසක් තිබ්බෙත් නෑ.ලමයින්ට වඩා අවුරුදු 4ක් විතර වැඩිමල් ඇති සමහර විට.මේ වෙද්දි නම් එයා උසස් අධ‍‍ය්‍යාපන කටයුතුවලට රටින් පිට ගිහින්.

 ඔන්න කතාව කෙටියෙන්ම කියන්නම්කෝ.මේක උනේ මගේ හොදම යාලුවෙකුට,එයා ගෑණු ලමයෙක්.සහතිකෙන්ම කියනව මේ මම එහෙම නෙමේ.

ඒ දවස් වල තියරි ඉවර කරල ලැබ් සෙශන් එහෙමත් කරලා,ආවා මිඩ් සෙමෙස්ට්ටර් එක්සෑම් කාලේ.මිඩ් එකට සෑහෙන ලකුණු ප්‍රමාණයක් ලැබෙන නිසා කට්ටිය හොද සූදානමකිනුත් හිටියා.

තිබ්බෙ ප්‍රශ්ණ කීපයක් පැය 1 1/2කින් කරලා ඉවර කරන්න.ඔන්න ලමයි ටික ඇඩ්මිශන් නම්බර්ස් පිලිවෙලට වාඩි වෙලා ඉන්නව.

සර් වෙලාව බල බලා ඉන්නව පේපර් ටිකත් අතේ තියන්.ලමයි මැශින්ස් එහෙමත් ඔන් කරන්. Maple open කරගන ඉන්නවා.

ඔන්න සර් පේපර් බෙදාගන බෙදාගන යනව.පෙපර් අතට ගත්ත අය වැඩ හෝ ගාලා,කෝක කරන්නත් පැය 1 1/2 නේ තියෙන්නෙ.

ඔහොම බෙදද්දි අර යාලුවටත් පේපර් එක ලැබිලා, හදන්න කලින් පොඩ්ඩක් කියෙව්වලු.

හ්ම්...එකපාරක් කියෙව්වා මුල්ම ගණන...ඒත් හරි හැටි මීට‍ර් උනේ  නෑලු කරන්න කියල තියන දේ.(මඤ්ඤං)

එහා පැත්තේ ඉන්න කෙනාගේ පේපර් එකට පොඩි ඇහැක් දැම්මලු.

ඈ...සර්ට වැරදිලාවත් ද?මට දීල තියෙන්නෙ වෙන පේපර් එකක් නේ....

ඔහ්...අනිත් පැත්තෙ එකාටත් එහෙමයි...උන් දෙන්නටම එකම පේපර්...

මගෙ එක විතරක් වෙනස්!... 

බැරිම තැන ඉස්සිලා බැලුවලු ඉස්සරහ එකාට මොකද්ද දීල තියෙන්නෙ කියල.

ශික්!...පේන්නෙ නැනේ.කතා කරල අහන්නත් බෑ.විභාගයක් නේ.

ඒ අස්සෙ සර්ට පෙනිලා එකෙක් ඇඹරෙනවා එහෙට මෙහෙට.බැරිම තැන ආවලු ඒ පේලිය දිගේ ලමයි ලියන ඒවා බලාගන.


 මේ යාලුවත් සර් එයා ලගට එනකම් ඉදලා, එහා පැත්තෙ එක්කෙනාව පෙන්නලා කිව්වලු,

Sir...Two papers r different!...කියලා.

සර් තරහ මූඩ් එකකින් කියාගන ගියාලු

Don't look at others කියලා.

ඕනේ දෙයක් වෙච්චදෙන් කියල මෙයා දැන් මැශින් එකේ වැඩලු.

එක පාරටම වැඩ කර කර හිටපු වින්ඩො එකද කොහෙද මිනිමයිස් වෙලා.තිබ්බ විදියට එන්නෙ නැලු කොච්චර කරත්.ඒ අස්සෙ සෑහෙන වින්ඩෝ ගානක් ඕපන් වේගන වේගන යනවලු.

බයවෙලා දාඩියත් දාගන එනවලු.ඇයි වෙලාවත් ඉවර වෙන්න යනවනේ.

බැරිම තැන අත ඉස්සුවලු.

සර් බලන් ඉදල ඉක්මනින් ලගට ඇවිල්ලා. 

Yes!... කියල ඇහුවලු.

මේකා එකපාරටම කිව්වලු සර් මේ...මේක චූටි උනානේ...කියලා.සර් දන්න වැඩ ටික දාලා ඒක හදලා දීලා ගිහින්.

පස්සෙ ටික දවසක් යනකන් දැක්ක තැනක, ඒ ලමය එක්ක සර් හිනා වෙනවලු.

ප.ලි: අපේ අයගෙ හැටි දන්න නිසා, සර්  එකම වාගේ ප්‍රශ්න තියන පේපර්ස් සෙට් දෙකක් හදලා ප්‍රශ්ණ වල නම්බර්ස් එහෙම මාරු කරලා තමයි දීලා තියෙන්නෙ, කියල පස්සෙ තමා දැන ගත්තේ.ඒවත් බෙදලා තියෙන්නෙ එක්කෙනෙක් ඇර එක්කෙනෙක් වෙන විදියට.එතකොට ලග ඉන්න දෙන්නෙක්ට එකම පේපර් ලැබෙන්නෙ නෑනේ.

භාෂා ගැටලුව I A problem with the language.

මේකත් කැම්පස් එකේ පළමු වසරේ වෙච්ච සිද්දියක් ඕං. ගිය මුල්ම කාලෙ අපිට තිබ්බෙ Broad General Education නේ.ඒ නිසා ඔක්කොම Departments වල අයට, ගොඩක් එකම සබ්ජෙක්ට්ස් ඉගනගන්න තිබ්බා.

විශේෂයෙන් දෙමළ අයට සිංහල භාෂාවත්,සිංහල අයට දෙමළ භාෂාවත් හදාරන්න උනා.ගොඩක් දෙමළ අයට සිංහල මෙලෝ දෙයක් තේරෙන්නෙ නෑ.අපිට දෙමළ බෑ.


ඒ නිසා ගුරුවරු කිව්වෙ කතාකරලම තමා හුරු වෙන්න ඕනෙ කියල.ඒ දවස් වල දෙමළ යාලුවො කතා කරද්දි, අපි ගිහින් කට දිහා බලන් ඉන්නව,කොහෙද එයාලා කතා කරන ස්පීඩ් එකට, එක වචනයක් අල්ලගන්න බෑ.

බස බස ගාල කියවනව.හොද වෙලාවට අපි හිටිය කාමරේට ටැමිල් යාලුවො දෙන්නෙක් වැටුනා.ඒ නිසා ගොඩක් නැතත්,කියන එක ටිකක් තේරුම් ගන්න තරම් හැකියාවක් ආවා.


එයාලත් අපි කතා කරද්දි ලගට ඇවිල්ල,ඒ මොකද්ද කිව්වෙ?... කියල අහනව,අපිත් පුලුවන් කඩ්ඩෙන් කියල දෙනව.ඔය අතරෙදි සමහරු මෙයාලට වෙන වෙන දේවලුත් උගන්නල. ඒ කියන්නෙ හොද තේරුම් ඇති දේවල් කියල, නරක වචන උගන්නලා.පිරිමි ලමයින්ගෙ හැටි!...

එයාලත් එහෙම කරා අපිට, දවසක් සිංහල ගෑණු ලමයෙක්ට කියල, "ඔරු මුත්තම් තාන්ගො" කියන්නෙ "එක උදව්වක් කරන්න" කියන එක කියල.ඒ ලමයා දෙමළ පිරිමි ලමයෙක් ලගට ගිහින් එහෙම කියල තිබ්බ.


ආ....අපේ හිටියා Bio Lecturer කෙනෙක්,එයා ලමයින්ට පොදුවේ කතාකරන්නෙ පුතා කියල.(ex: නිශාදී පුතා,ප්‍රසාද් පුතා,තර්ශන් පුතා.....ඔන්න ඔය විදියට).අපේ Agri එකේ හිටියා උද්දික කියල යාලුවෙක්.අපේ සමහර සිංහල අකුරු හරියට දෙමළ අයට ශබ්ද කරන්න බෑ.එයාලගෙ හෝඩියේ ඒවට අකුරු නෑ.

ඉතින් උද්දික කියන එක එයාලට උච්චාරණය කරන්න බෑ,කියන්නෙ වෙන විදියකට.බොරු නම් දෙමළ යාලුවෙක්ට කියල කියවලා බලන්නකො..ඉස්සර අපේ කට්ටිය දෙමළ අයට කියල "....සර්! උද්දිකට කතා කරන්නෙ කොහොමද?" කියල අහනව.එයාලත් හොදට කට ඇරල කියනව .....පුතා!... කියල.

ඒ උනාට එයලා සිංහල කතා කරන විදිය හරිම අමුතුයි,ආස හිතෙනව අහගන ඉන්න.


තවත් දවසක්  Stat කුප්පියකදි Modulus (මාපාංකය) ගැන කතාවක් ඇදිලා ආව.ඔක්කොම වගේ හිටියෙ සිංහල අය නිසා, දැන් Modulus වෙනුවට මාපාංකය කියවෙනව දිගට හරහට.

මම් ලගම හිටිය මගෙ දෙමළ යාලුවා(එයා Jaffna වල) රමා,.නදී....What's .......ය කියල අහල,කුප්පිය සෑහෙන වෙලාවකට නවත්තන්න උනා.මම් හිනා වෙලා ඉවර වෙනකම්,අනිත් උන් කට ඇරන් බලන් ඉන්නව, මේ මොකද කියල.

ප.ලි: එයා කිව්වෙ මොකද්ද කියල නම් අහන්න එපා.ලියන්න පුලුවන් දෙයක් නම් මම් ලියනවනේ.

නිදාගන්නාකාරය | හොස්ටල් මතක

අපි එක එක්කෙනා නිදාගන්න විදිය වෙනස්, ඒ කියන්නෙ එක එක්කෙනාට පොඩි කාලෙ ඉදන් හුරු පුරුදු විධි තියනවනෙ .සමහර අය වම් පැත්තට හැරිල,සමහරු දකුණට හැරිල.සමහරු උඩුබැලි ආකාරයට.සමහරු මුනින් අතට හැරිලා...

තවත් සමහරු "අල්ප දයන්න" ගහල.තවත් අය අර තෙල් බවුසර් වල ඇදල තියන මනුස්සය වගේ..,අපි යුනි එකේ හොස්ටල් ඉද්දි දැක්ක අරුම පුදුම නිදනාකාරයක් තමා මේ කියන්න යන්නෙ.

විශේෂයෙන් මේ විදිය දකින්න ලැබෙන්නෙ විභාග දවස් වලට තමා.සිංගල් ඇදේ තවත් කට්ටියකට ඉඩ තියාගන ඉන්න කෙනෙක් ඉන්නව,එයා ඒ සෙමෙස්ටර් එකට තියන සබ්ජෙක්ස් ලියන පොත් ඔක්කොමත් ඒ ඇදේ තියාගන තමයි නිදාගන්නෙ.

 තව කලුම කලු ටෙඩී කෙනෙකුත් තියන් ඉන්නව.අපිනම් ඒකාට කිව්වෙ  "හොර පූසා" කියල.

ගොඩක් වෙලාවට විභාගෙ දවස වල මුලු රෑම කාමරේ ලයිට් එක දාලනෙ ඉතින් තියෙන්නෙ.මොකද එක එක්කෙනා නැගිටින්නෙ එක එක වෙලාවටනෙ.

මේ කියන කෙනා නින්දෙන් හිටපු ගමන් නැගිලට පොතත් අරන් ඇදේ ඉදන්ම පාඩම් කරනව,ආයම ටික වෙලාවකින් නිදි.කවදාවත් මේසෙට ගිහින් පාඩම් කරන්නෙ නැ.

ඔහොම මුලු රෑම විටින් විට ඇහැරල තමයි ඉන්නෙ.එච්චර තමා එයාගෙ පාඩම,ඒත් එක්සෑම් එකත් ගොඩදානව,ඒ විදියට පාඩම් කරල.ඒ එයාගෙ හැකියාව.

 එයා නිදියගන්නෙත් හරිම අමුතු විදියකට,ඒ කියන්නෙ උඩුබැලි අතට,හරියටම අර මල මිනියකගෙ ස්වරූපයෙන්.අත් දෙකත් එකතු කරල පපුව උඩින් තියාගන.වෙලාවකට බාගෙට ඇසුත් ඇරන්.

වැරදිලාවත්  වෙන රූම් එකක කෙනෙක් ඒ රූම් එකට ආවොත් අනිවාර්යෙන් බය වෙනව,

ඇහ්...ඒ මේ...

මොකද බොල මේ....මේකා නිදිද?...

පාඩම් කරපුව මතක් කරනවද මේ...

මේකා නිදියන්නෙ බාගෙට ඇස් ඇරගෙනනේ...බ්ලා...බ්ලා...

එයාට කොච්චර කිව්වත් ඔයා නිදාගන්නෙ මෙහෙම කියල එයා විශ්වාස කරේ නෑ.

දවසක් විභාගෙ දවස් වල රෑ දෙගොඩ හරියෙ ඔය විදියට නිදාගන ඉන්න පින්තූරයක් ගන්න ගිහින්,එයාට ඇහැරිලා හෙන ගිනි විජ්ජුම්බරයක් වුනා.විභාගේ දවස් වලටවත් දාංගලේ නැතුව නිකන් ඉන්න බැරිද කියල එදා කට්ටියට හොදට අහගන්නත් සිද්ද වුනා.

ගුටිය

මේ සිද්දිය මට කිව්වෙ යාලුවෙක්.ඔන්න එයා දවසක් කැම්පස් එකේ ඉදල ගෙදර එනවලු.ටිකක් පරක්කු වෙලා,එදා ලෙක්චර් එකකටත් ඉදල තමා ගෙදර යන්න බස් එකට ඇවිත් තියෙන්නෙ.

ඒ වෙද්දි දවල් 11ට විතරලු.පැය 4ක විතර ගමනක් නිසා බස් එකේ අය්නක් අල්ලගන්න තියනවනම් හොදයි කියල හිතනකොටම අලුතෙන්ම බස් එකක් ඇවිල්ල නවත්තල.ඉතින් ඒකට නැගල සීට් එකේ අයිනකුත් අල්ලගන හිටියලු.

ගෙදර යද්දි ඉතින් තඩි බෑග් එකක් අරන් යනවනෙ කාලෙකින් ගෙදර යන නිසා,අනික ලැප්ටොප් එකත් තියනව.බඩු ටිකක් වැඩීයි.බෑග් එක උඩට දාල ලැප් එක කකුල උඩ තියන් ඉන්නවලු.

බස් එක යන්න හදද්දිත් එච්චර සෙනගක් බස් එකේ ඉදලත් නෑ,වෙලාව 11 කියන්නෙ කොහෙට්වත් නැති වෙලාවක් නෙ.ඒ නිසා කීපදෙනෙක් විතරයි ඉදල තියෙන්නෙ.
 

ඔන්න එක පාරටම පොඩි කොල්ලෙක් ඇවිත් ඔච්චර ඉඩ තියෙද්දි  මෙයා ලගින්ම ඉදගන.එයාට එහා පැත්තෙ සීට් එක සම්පූර්ණයෙන්ම ඒ වෙද්දිත් හිස්ලු.

ඒත් මේකා මෙයා ලග වාඩිවෙලා.දැන් ඉතින් තරහේ බෑලු.ඒත් ගානක් නැතුව හිටියලු පෙනුමෙන් පොඩි එකෙක් වගේ පෙනුන නිසා.

එයා කොහොමත් බස් වල යද්දි නිදාගන යන්නෙ ,අනික ටිකක් කතාවත් අඩු කෙනෙක්,ඒ නිසා එහා පැත්තෙ කවුරු හිටියත් ගානක් නැ. ටිකට් එක ගන්නකන් ඇහැරල ඉදල ටිකක් නිදා ගත්තලු,

ඔන්න ටිකවෙලාවකින් දැනෙනවලු අර ලග හිටපු පොඩි කොල්ල නිදිවගේ ඔලුව මෙයාගෙ ඇගේ හැප්පෙනව.මෙයා හිතල තියෙන්නෙ පොඩි එකෙක්නෙ,නින්ද ගිහින් වෙන්නැති කියල ඒත් ටිකක් අවදානයෙන් හිටියලු.

ටික වෙලාවකින් මෙයාටත් නින්ද ගිහින් මෙන්න අයම ඔලුව ඇගේ හැප්පෙනවලු,මෙයා කතා නොකරම  ටිකක් එහාට වෙලා.ආයෙත් ටිකකින් ඒ කොල්ලගෙ අත මෙයාගෙ කකුල උඩලු.
 

ඒ වෙලේ නම් හොදටම තදවෙලා,ලැප් එක තියන නිසා හරියට පේන්නෙත් නැලු.

ඒ වෙලාවෙනම් ඇනල කතාකරල කිව්වලු, මේ...පොඩ්ඩක් අයින් වෙනවද?...කියල. අර කොල්ල නිකන් හීනෙන් බයවෙලා වගේ ඈත් වුනාලු.

ටික වෙලාවකින් මෙන්න ආයම අර විදියලු.දැන්නම් හොදටම තද වෙලා,නැගිලට වෙන සීට් එකකට යන්නත් හිතුනලු.ඒත් ඒ වෙද්දි සීට් වල ඉඩ තිබ්බෙ නෑලු.

හිටපන්කො කරන්න හොද වැඩක් කියල, මෙයා අත මිට මොලවට හයියෙන් ශොට් එකක් අර කොල්ලගෙ කකුලට දීල,ඒකා උඩ ගිහින් බිම වැටුන වගේ ඇහැරලා,මෙයා බැනගන බැනගන ගිහින්.එහාපැත්තෙ සීට් එකේ හිටිය කෙනා තුශ්නීම්භූත වෙලා වගේ බලන් ඉන්නවලු.

පලි: ඊට ටික වෙලාවකට පස්සෙ අර කොල්ල බස් එකෙන් බැහැල ගිහින්.මෙයා මොකුත් නොවුන ගානට බස් එකේ ආවලු.

මගුලෙ අවුල

මගේ යාලුවෙක්ට මගුලක් සෙට් වෙලා,ඒ කියන්නෙ විවාහ යෝජනාවක්.ගොඩක් වෙලාවට ඒක හරියයි කියල තමා කිව්වෙ.කියපු හැටියට දෙපැත්තෙන්ම කැමති පාටක් තමා පේන්නත් තිබ්බෙ.මගෙ යාලුවා තොරතුරු තාක්ශණ උපාධියක් නිමා කරල මේ වෙද්දි ඊටම ගැලපෙන රෑකියාවකුත් කරනව.මේ යාලුව අපේ ගෙදරට ලගපාත කෙනෙක්,ඒ නිසා පොඩි කාලෙ ඉදන්ම අපි දෙන්න අදුරනව,අනික දෙමව්පියොත් හොදට දන්න අදුරන අය. 

ඔන්න දවසක් ගෙදරට කෝල් එකක් එනව,අම්මගෙ යාලුවෙක්ගෙන්, ඒ අර මගෙ යාලුව ගැන අහන්න.යෝජනාව ඒ මිස්ගෙ අක්කගෙ පුතාටලු.අම්මනම් කිව්වෙ එයා අපේ පොඩි දුවගෙ පන්තිවලනේ හිටියෙ, හරි හොද ළමය,කියන්න තරම් නරකක් නෑ කියල.මම හිතුව එහෙනම් තවත් මගුලකට සාරියක් ගන්න වෙයි කියල.

මෙන්න තව සති දෙක තුනකට පස්සෙ අර මිස් ආය ගෙදරට කෝල් කරනව.ඉස්කෝල විස්තර ටිකක් එහෙම කියල,
මිස්: ඒ ළමය අරන් හදාගත්තු කෙනෙක්ලු නේද? ඒ ගෑනු ළමයගෙ ගෙදරට ඉස්සරහ ගෙදර  ගෑනුකෙනා ගෙදරම ඇවිත් කියල ගියා.බලන්නකො ඔයාල දන්නෙ නැද්ද?ඒ ගෙදර හිටපු වැඩකාරියෙක්ගෙ දරුවෙක්ද මොකද්ද කියලත් කිව්වෙ ඔය...

අම්මා: අහ්...ඔහොම කතාවක් අහල තියනව.ඒ වෙලාවෙ කිව්වෙ නැත්තෙ,ඔය ගැන අපිත් හරියටම දන්නෙ නැති නිසා.ඒ ළමයගෙ ගතිගුණ නම් හොදයි,කියන්න තරම් නරකක් නෑ.

මිස්: එහෙමද?හොද දෑවැද්දක් එහෙමත් තියනව කියන්නෙ.

අම්මා: ආ...ඔව් එයාල යමක් කමක් තියන මිනිස්සු.දැන් මොකද කරන්න හිතාගන ඉන්නෙ.?

මිස්: පුතා නම් කැමතී කියන්නෙ.අක්කල නම් ඕකට කැමතිවෙන එකක් නෑ.ඒ නිසා කෙරෙන එකක් නෑ.

හාමී කියන්නෙ වෙනම කෑල්ලක්ද?

මේකනම් ගොඩක්ම ලගදි දවසක සිදුවුන එකක්.මගෙ යාලුවෙක්ට ඕනෙ වුනා කඩ්ඩ පොඩ්ඩක් හදාගන්න,ඒ කියන්නෙ ටිකක් හොදට කඩ්ඩ කතා කරන්න ඉගන ගන්න..ඒ අපි ඉන්ඩ්‍රස්ට්‍රියල් ට්‍රේනින් ඉන්න කාලෙ අතරමැදදී.ඒ දවස්වල ටීවි එකෙත් ප්‍රචාරයක් ගියා සුද්දොන්ගෙ තාලෙටම ඉංග්‍රීසි කතාකරන්න උගන්නන තැනක් ගැන.ඔන්න ඉතින් මෙයාටත් එතන්ටම යන්න ඕනෙ උනා.


ෆෝන් කෝල් එකක් දීල එතන්ට කතා කරාම වෙලාවක් වෙන්කරල දුන්න ඉන්ටවිව් එකකට,ඒකෙන් තමා එයාගෙ නොලේජ් එකයි, ඉන්ග්ලිශ් ස්පීකින් ඇබිලිටි එකයි තීරණය කරනව කිව්වෙ,ඒ අනුවලු එයාට ගැලපෙන පංතිය තීරණය කරන්නෙත්.ඇත්තනේ ඉතින් එහෙමනේ වෙන්න ඕනෙ.


යාලුවා තනියම යන නිසා මටත්  අවස්ථාව ලැබුන මෙයත් එක්ක යන්න.මට ඉන්ටව් එක තියන තැන ලගටම යන්න හැකිවුනත්.එයාල කතා කරන ඒවා මොනාද කියල ඇහුනෙ නෑ.ඉන්ටවිව් කරේ බර්ගර් ලේඩි කෙනෙක් වගේ පෙනුම තියන කෙනෙක්, හරියටම සුද්දියක් වගේ.


මොනවද බස බස ගාල කියනව ඇහුනා ටිකක් විතර. ටික වෙලාවකින් මෙන්න මෙයා එලියට එනවා,හිනාවේගන.

මම: මොකද වුනේ?
යාලුවා: වැඩේ ගොඩ!...අඩල්ට්ස්ලට තියන ඉහළම ක්ලාස් එකට තේරුනේ.
මම:  ඇහ්...එහෙනම් කඩ්ඩ බෑ කිව්වට ඔය පුලුවන් වෙල තියෙන්නෙ?
යාලුවා:  මන්ද බන්!...මයි සෙල්ෆ් කියන්න කිව්වා.කියාගන කියාගන ගියා.
මම: ආ...එච්චරද?
යාලුවා:  නෑ... තව මොනව හරි දෙයක් ගැන දිගට කතා කරන්න කිව්වා,ඉතින් මම් යුනි ලයිෆ් එක ගැන කිව්වා.
මම: හික්z...මරු මරු...ඒ ලේඩි බර්ගර් වගේ නේ?
යාලුවා: ඒ වගේ තමා,මගෙ නම ඇහුව ගියපු ගමන්ම.නම් කිව්වට පස්සෙ අහනව,හාමී...කියන්නෙ වෙනම කෑල්ලක්ද? කියල.
මම: හික්z...ඉතින් ඔයා මොකද කිව්වෙ?
යාලුවා:  මොනා කියන්නද මම් කිව්ව එක නමක් කියල.උන් අහල නැද්ද ඒවගේ නම්?


ප.ලි:  මේ ප්‍රශ්නෙ වුනේ යාලුවගෙ නමේ මැද කෑල්ලට(Middle Name) .අර ලේඩි මෙයාගෙන් නම අහගෙන ඉන්ටවිව් නෝට් එකේ මුලින්ම ලියල තියෙන්නෙ(Kumari Hamy).පස්සෙ ඒක කපල වෙනස් කරල කුමාරිහාමි(Kumarihamy)කියල.යාලුව මට ඒ නෝට් එක පෙන්නුව බොරුනම් මේං බලන්න කියල..