අම්මෝ...බ්ලොග් එක පැත්තෙ එන්න දැනුයි ඉස්පාසුවක් ලැබුනේ.අලුත් රස්සාවත් එක්ක ජීවිතේ ටිකක් කාර්යබහුල වෙලා තිබුනා.උදේ...ම වැඩට යනව ආයම හවා...ස් වෙලා ගෙදර එනව.කාල බීලා තෙහෙට්ටුව නිවාගන උගන්නන්න ඔනේ කරන ප්රසන්ටේශන් ස්ලයිඩ්ස් හදනව.ඉතින් කොහෙද බ්ලොග් ලියන්න වෙලාවක්....
ඒත් එක්කම අපේ ගෙදරටත් අලුත් අමුත්තෙක් එකතු වෙන්න සූදානමින්, අමුත්තෙක් කිව්වෙ අපේ නැචුරල්ට චූටි නංගි බබෙක් !... ආ හෙට එනව කියල තමයි දොස්තර මාමල කියන්නෙ.ඒ නිසා වැඩ කටයුතු බොහොමයි.
ගෙදර අස්පස් කරන වැඩවලට අමතරව අලුත් අවුරුද්ද වෙනුවෙන් කැවිලි පෙවිලි හදන්න ඔය කී නොකී හැමදේකටම වෙනදට වඩා මගෙ සහභාගීත්වය දෙන්න උනා.
ලේසි නෑ මේ සෑරේ අපි මුං කැවුම්, කොකිස්, කිරිටොෆි, මුරුක්කුත් හැදුවා.අම්මගෙත් උදව් ඇතුව මම් තමා ගොඩක් වැඩ කරේ.අවුලක් උනේ නෑ දැන් කෑම ජාති ටික තනියම උනත් හදාගන්න පුලුවන්.කාටද ආඩම්බර :D.
![](https://blogger.googleusercontent.com/img/b/R29vZ2xl/AVvXsEgRcvzkmvAzY_RaB35vPB3SGaGWjVp63j_TvEPbPezYTHpHC471HnnfpBmzevHG0Lu5w9P1zbdT5UPeJu4UgEPcYM13dCQQEEYsYSEOYUUw16jUdUKB1NwORKCnqjDSjVqaQTYO2JsyEew/s200/IMG00186-20120223-2129.jpg) |
මේ තියෙන්නෙ හදපු කොකිස් |
![](https://blogger.googleusercontent.com/img/b/R29vZ2xl/AVvXsEiMzTv5asNmDhTIKAnNLQzfmPWpCfnKjJDgflKDZUmPZ3kuZGgKk4PZKYHqi1GF4-MWpsTB9gQsUKOLGCf_qxbFGXLEwYA3pZT0q6y5JJMQCM0eHkHnV984lLHfGpolZeqNQcbCy9IMPnQ/s200/IMG00189-20120223-2138.jpg) |
මෙන්න හදපු මුං කැවුම් |
![](https://blogger.googleusercontent.com/img/b/R29vZ2xl/AVvXsEjmtrtOtYhBN8qJ0Egm6uQ6uRCnthV6AqXDzNHWXe5fpRLtWC8_EBluDhNFvtvbMgIZqsjuyDEf8KlGestgwoK7jET7FyuB2RXD41zRMGxguBjlLLsP55g-yEdpxWa6oVUhnUx9Ch7JUS4/s200/IMG00192-20120223-2139+%281%29.jpg) |
මේ...ං හදපු මුරුක්කු |
ආ...කියන්න අමතක උනානේ මැලේ අච්චාරුවකුත් දැම්මා...බටු මෝජුවකුත් හැදුවා...
![](https://blogger.googleusercontent.com/img/b/R29vZ2xl/AVvXsEjbli0tFkOkvjE_I81-0y5ALi8CsHo0vbiip9s5SMxbjD9IReZkUXnkuDDlgmr1JY_l8KHNOoFPHIu6tzVuBsLWImc43S9NEo3AEfgsBqQO6g9pOlhUhU9iMxH0Kkjf1tL58f4pY7UpLWE/s200/IMG00194-20120223-2140.jpg) |
මෙන්න හදපු බටු මෝජුව...තාම කෑවේ නම් නෑ :) |
![](https://blogger.googleusercontent.com/img/b/R29vZ2xl/AVvXsEh-eG1Grhm_BRSvbhLFyUONwS4if7uZJEUgEy56l_7ABNVuDmy1kfk1tX61LWWJdfc6td7I2e6dV_B56Obh6gOwZk49m82AVT27d0rkmmfI9ytlF7rU0831dbiN9VU3GYFFlfQ9BfYMRVk/s200/IMG00187-20120223-2130.jpg) |
මේ තියෙන්නෙ අච්චාරුව.මේක නම් ගෙදර කට්ටිය දැනටම රහ බලලා. |
දැන් මේ ලක ලෑස්ති වෙලා, මලුත් කඩාගන බලාගන ඉන්නෙ උඩමළුවට යන්න.ගිහින් බුදුන් වැදලා නංගි බබාව කරදරයක් නැතුව ලැබෙන්න කියල බුදුන්ගේ සරණ පිහිට ආරක්ශාව ප්රාර්ථනා කරනව අක්කටයි බබාටයි දෙන්නටම.
![](https://blogger.googleusercontent.com/img/b/R29vZ2xl/AVvXsEjXhEprak09wsqp939N4jt8a7z3-OhFEE_-zSo5JxtwROFcPrbsOp2A6Dm2TjNvOxcCUyeo99AzeipOIFyvtF8Mwrlso0hLB1J-BcDLAnm10tK9qFx-HzsXxS_9NGPdw9k9l7O0nm1b8WI/s200/IMG00183-20120223-2124.jpg) |
මමයි නැචිරලුයි එකතු වෙලා හදපු මල් වට්ටිය |
එහෙනම් මට යන්න වෙලාව හරි.මගෙ බ්ලොග් යාලු මිත්රයෝ හැමෝටම ලබන්නාවූ නව වසර සියළු යහපත් බලාපොරොත්තු ඉටුවන සුභ නව වසරක් වේවා කියල එක හිතින් ප්රාර්ථනා කරනවා!!!