කෙල්ලෙක්ට හොදම රස්සාව | Best Job for a Girl

http://www.tangischools.org/cms/lib3/LA01001731/Centricity/Domain/62/teacher.gif

අපේ අත්තම්මලාගෙ කාලෙටත් ඉස්සර කෙල්ලො ඉස්කෝලෙ යන්නෙ 5 පංතියට වගේලු.ඇයි ඉතින් ගියා කියල මොක කරන්ඩද ගෙදර වැඩ පල කරගන ඉන්නව මිසක්. පස්සෙ පස්සෙ අපේ අත්තම්මලගෙ කාලෙ විතර වෙද්දි ඕක ටිකක් වෙනස් වෙලා.ඉස්කෝලෙ යවන්ඩ  පටන් අරන් යන්තන් අත්සන ගහගන්ඩ පුලුවන් වෙන්ඩවත් කියල.

දැන් එහෙම වෙනසක් නෑ කෙල්ලො කොල්ලො කෝකත් එකයි. ඉගන ගන්න ඕනේකම උනන්දුව තියනව නම් ඉහලටම යන්ඩ චෑන්ස් එක තියනවා. මුලින් මුලින් ගෑණු අය ගොඩක් දෙනෙක් ටයිපින් ශෝට් හෑන්ඩ් වගේ දේවල් වලට තමයි කැමැත්ත තිබිල තියෙන්නෙ.පස්සෙ ක්ලැරිකල් වර්ක් වගේ ඒවට. 

දැන් එහෙම බේදයක් නෑ.පහලම මට්ටමේ ඒ කීවෙ කා.කා.ස. මට්ටමේ ඉදන් පරිපාලන, කලමණාකරන මට්ටමේ රස්සාවල් වල පවා ගෑනු අය නිරත වෙලා ඉන්නවා. ඒත් තාමත් ගෑනු කෙනෙක්ට නිදහස්ම ගැලපෙනම රස්සාව මේකයි කියල ගොඩක් දෙනෙක් නිශ්චිත කරන් ඉන්න ජොබ් එකක් තියනව. ඒක ගෑනු අයට කියාපු රස්සාවලු. නිදහස තියනවලු, විවේකෙ තියනවලු බ්ලා... බ්ලා... ගොඩයි. ඒ උනාට දැන් ඉස්සර වගේ නෙමේලු. ඒ රස්සාව කරන අය කියන හැටියට දැන් ඔය කියන තරන් නිදහසක් නෑලු. ඉස්සර කාලෙ වගේ නෙමේ ලු. 

දැන් ඉන්න රස්සව ඉගන ගත්ත දේට අදාල නොවුනට ආසාවෙන් කරනව. එක එක ආයතන විවිධ තනතුරු දරන අය එක්ක රාජකාරි මට්ටමෙන් සම්බන්ධ වෙනව, ඒක හොදයි කියල හිතෙනව ඉතින්. අනික අවුරුදු 5ක් යනකම් දෙයියනේ කියල ගෙදර ඉදන් රස්සවට යන්ඩ පුලුවන්,පැය 1/2 න් ගෙදර. මේකට ගියොත් ඉතින් දුශ්කර තපින්ඩ වෙනව අවම අවුරුදු 5ක්. සමාජ ආශ්‍රය අඩුයි. 

ඒත් ගොඩක් දෙනාගෙ කීම තමයි ඔයා යන්ඩ... මේකේ ඉන්ඩ එපා... අපරාදේ ඉගන ගත්ත දේ.. නිදහස... විවේකේ... තියනව, පස්සේ කාලෙක ලමයිට හරි හොදයි. එයාලට ඉගන ගන්න ගෙදර වාතාවරණය සැකසෙනව... කතා ගොඩයි.

දැන් බලන්ඩ ඔයාල උනත් අම්ම අප්පච්චි නිසානේ ඔහොම ඉගන ගත්තෙ!... මට ඔය කතාව තමයි පේන්ඩම බැරි, ඇයි යකෝ, දෙමව්පියෝ ගුරුවරු උනා කියල ඉබේ ලමයි ඉගන ගන්නවද, උත්සහය උනන්දුව නැත්තම්, හරියට අපෙ මොලෙන් මොකවත් කරන්න නැතුව ඉබේ විභාග පාස් වෙනව වගේ නේ කතාව.

ඒ කියනව වගේ ගොඩක් වෙලාවට ගෙදර පරිසරයත් බලපාන්න ඇති සමහර විට.ඒත් මට ඒ රස්සාව ගැන ආසාවක් නෑ.අම්මගෙ කීම අහක දාන්ඩ බැරි නිසා ඇප්ලයි කොලා ඇරෙන්ඩ කිසිම කැමැත්තක් නෑ.

මික්ස් ස්කූල්ස් වල අයට ඕවා නෑ

මම නම් පුංචි කාලෙ ඉදන් ඉස්කෝලෙන් අයින් වෙනකම්ම ගියෙ මික්ස් ස්කූල්ස් වලට.ස්කූල්ස් කිව්වට මහ ගොඩක් නෑ...2කකට විතරයි ඉතින්.1 වසරෙ ඉදන් 5 වසර වෙනකම් ටවුන් එකේ තිබ්බ පොඩි ඉස්කෝලෙකට, ඒක මික්ස් ස්කූල් එකක්.ඒ කියන්නෙ ජාති දෙකෙන්ම ලමයි හිටියා...:).,ඊට පස්සෙ 5හේ විභාගෙ පාස් වෙලා මධ්‍ය මහා විද්‍යාලෙට.ඒකත් මික්ස් ස්කූල් එකක්.ඒකටත් ආව මික්ස් ස්කූල්ස් වල ලමයි වගේම කොන්වන්ට්,ජෝශප්ස් වගේ ඉස්කෝල වල ලමයිනුත් ..ගෑණු පිරිමි ළමයි එකට ඉන්න එක ඒ අයට නම් ටික කාලයක් යනකම් හුරු වෙන්න අපහසු උනා.

අපිට නම් ඒ හැටි ගානක් උනේ නෑ.මොකද පොඩිම කාලෙ ඉදන් අපේ හොදම යාලුවො උනෙත් පිරිමි ලමයි.කොන්වන්ට් එකෙන් ආව ගෑණු ලමයෙක්ගෙ ඇගේ පිරිමි ලමයෙක් වැදුනත් එයාලට නිකන් කහඹිලියා වගේ තමයි.හැමෝම නෙමේ සමහරු එහෙම හැසිරුනා.

මට මතකයි දවසක් කැම්පස් එකේදි  ඔහොම කොන්වන්ට් එකක ඉදලා ආව ලමයෙක් අපේ ටේබල් එකේ කෑම කනව.ඔක්කොම හිටියෙ ගෑණු ලමයි එතන.අපි අදුරන පිරිමි ලමයි කීපදෙනෙක් ආව විතරයි අරයට කකා හිටපු කෑම එක කන්න බැරුව ඒකත් අරන් නැගිටලා ගියා.එයාට පිරිමි ලමයි ආව එකෙන් අපහසුවක් දැනෙන්න ඇති හුරු නැති නිසා.

අපි ඒ ලෙවල් කාලෙ ටියුශන් යනවනේ, ඔන්න ඔය දවස්වල ක්ලාස්වල බංකු ගොඩක් එක ලගින් නේ තියෙන්නෙ ඉතින්...එක බංකුවක 8 දෙනෙක් විතර වාඩි වෙනව.දවසක් පරක්කු වෙලා ගෑණු ලමයෙක් ඇවිත් ඉස්සරහ බංකුවක වාඩි උනා ඊට පිටි පස්සෙ බංකුවේ  හිටපු පිරිමි ලමයෙක්ට ඒ එක්කම නැගිට්ටුනා.ලමයි හැමෝම හිනා උනා...

පස්සෙ ඒ පිරිමි ලමය කියල තිබුනා ඒ ලමය මගෙ ඇගේ ගෑවුන නිසා මම් නැගිට්ටෙ කියල.එයා යන්නෙ පිරිමි ස්කූල් එකකටලු.ගෑණු ලමයි එච්චරම හුරු නෑලු.ගෑණු ලමයි යාලුවොත් අඩුලු.

ඒත් සමහරුන්ට නම්  ඔය ප්‍රශ්න මොකවත් නෑ...මික්ස් ස්කූල් වල ලමයින්ට වඩා හොදට ජාති දෙකේම ලමයි එක්ක හොදට හැසිරෙන්න දන්නව.හොදට ගැටෙනව.

සමහර අම්මල තාත්තලා ලමයින්ව බෝයිස් ස්කූල්,ගර්ල්ස් ස්කූල් වලට යවන්න තීරණය කරනව.ඒක ඒ අයගේ කැමැත්ත.ඇත්තටම වඩා හොද එහෙම වෙන්වෙන්ව තියන ඉස්කෝලයකට ලමය යවන එකද නැත්තම මික්ස් ස්කූල් එකකට යවන එකද?
 
අදහස 01:
අපෝ තනි ජාතියක් ඉන්න එයෑ විනය අන්තිමයි

එකක් තමා විනයක් නෑ

ඕන වැඩක් කරනවා

අනිත් එක තමා ගෑල්ලමයෙක් එක්ක කතා කරන්ඩ ඕන විදිහ ඉගෙන ගන්නේ නෑ

ගෑල්ලමයි ඉන්නවනම් කෙල්ලෝ ඉන්න නිසා චාටර් නොවී ඉන්ඩ කොල්ලෝ බලනවා

ඒ නිසා නිකන්ම වගේ වැරදි වැඩ අඩු කරනවා

අනිත් එක තමා පංති වලපිලිවෙලක් නෑ.

ඒක ඉගෙන ගන්නේ නෑ

ගෑල්ලමයින්ගේ ඉස්කෝල වල නම් අඩුම ගානේ ගෑල්ලමයි හරියට පුටුවක වාඩු වෙන්න ඉගෙන ගන්නේ නෑ.

කෙල්ලෝ නිකන් කොල්ලෝ වෙන්ඩ යනවා.

සමහර වෙලාවට තරුණ පහේ ටීචර්ලට එහෙම ඉන්ඩ නෑ.

ඇයි ඉතින් ගෑල්ලමයෙක්වත් නෑනේ ඉස්කෝලේ

හික්ස් :)

අදහස 02:

මම නම් හිතන්නෙ මික්ස් ස්කූල් වලට යවන එක...

මම ගිය ස්කෝල 4ම ඒව

ම්ම්....

මේමයි

මං නං දකින විදියට ඔය වෙන වෙනම ස්කොල වලට යන අයගෙ මානසික ප්‍රශ්න වැඩියි

අනික අනාගතයේදි, සමාජගතවුනාම එහෙම අය සමාජයත් එක්ක මුසුවිම ගැටලුකාරි වෙන්න පුලුවං. 

 අදහස 03:

මික්ස් එකකට යවන එක .

හේතුව තමයි සාමන්‍යන් ළමයෙක් ලමා කාලයේ සිටම කවලමේ හිටියම විශේශත්වයක් දකින්නේ නැ.අ නික විරුද්ද පාර්ශවය හදුනා ගන්නවා. ඔවුන්ට දෙවර්ගයම සාමන්‍ය අය වෙනවා. වෙනම තියෙන ස්කොලෙක එහෙම වෙන්නේ නැ. ඔවුන්ට ආශාවක් කැමැත්තකින් පෙලෙනවා. මික්ස් එකක නම් ඔවුන් අශරය කරන්න සම වයසේ ලමුන්.නමුත් ගැනු ලමයින්ගේ විතරක් එකකදි ඔවුන් කුමන හෝ පිරිමියෙක් වෙත ආකර්ශනය වෙනවා. අද සමාජයත් එක්ක ගත්තම දරුවා අමරුවේ වැටෙන්න තියෙන ප්‍රතිශතය එතකොට වැඩියි

 අදහස 04:

මික්ස් ස්කූල් එකකට යවන එක

එතකොට ඇම්ම අඩු වෙනවා

නැත්තම් ඇම්ම වැඩි වෙනවා

විරුද්ධ ලිංගිකයන් ගැන විකෘති අදහස් එනවා

මික්ස් ස්කූල් වල අයට ඕවා නෑ 

අදහස 05:

ඉස්කොලේ නොයවා ඉන්න එක තාම හොද මයේ හිතේ ..:P

අදහස 06:

mix

reason

gl schols are full of drty attitudes, no need to explain ne

wt abt boys schools then?

gls try to get thr freedom at schol

bt byz have it alredy in society.

මෙන්න මෙහෙමයි කීපදෙනෙක් මේ ගැන අදහස් ප්‍රකාශකරේ... මේ දේ සම්භන්ධයෙන් ඔයාලගෙ අදහසුත් කියන්න බලන්න.ඇයි මෙහෙම වෙන් වෙන් වශයෙන් ස්කූල්ස් ඇති වෙන්න ඇත්තේ...???

හොදට පාස් උනොත් අක්ක යන ඉස්කෝලෙට යන්න පුලුවන්

ඒ අනූව දශකයේ මැදභාගයට ආසන්න කාලසීමාව, ඒ වෙද්දි මම හිටියේ 5 වසරේ විභාගය සදහා සූදානම් වෙමින්.


අපි කෙසේ වෙතත් විභාගෙ වෙනුවෙන් අපිට ඉගැන්නුව ගුරුවරියගෙ නම් ලොකු සූදානමක් තිබ්බ කියල මතකයි.


ගෙදරින් ඒ තරම් බලපෑමක් නොතිබ්බත් විභාගෙ හොදට පාස් උනොත් අක්ක යන ඉස්කෝලෙට යන්න පුලුවන් කියල හැමෝම කිව්වා.


ඒනිසා අමතර ක්ලාස් එකකටත් ගියා. ඒ පන්තිභාර මිස්ගෙම ක්ලාස් එකකට.ඉස්කෝලේ ඇරුනම කොන්වන්ට් එක ඉස්සරහ තිබ්බ කෝසලගෙ ගෙදර තමයි මිස් ක්ලාස් එක කරේ.

මිස් ගොඩාක්... හොදයි,ලමයීන්ට ආදරෙයි... ඒවගේම සැරයි!.හිටපු ගමන් චට පට ගාල වැදෙනව පන්තියේ ගොඩක් අයට,මටත් එහෙම පාරවල් වැදිලා තියනව.ආය බොරු කියන්නෙ මොකටද?.

ඒ දවස් වල මට ශිෂ්‍යනායිකා තෝරන එකෙන් නායිකා පට්ටමකුත් හම්බ වෙලා තිබ්බ.ඒක නිසාම ටිකක් ලොකුවට තමා හිතන් හිටියේ.

මගෙ හොදම යාලුව උනේ හර්ශනී.තව හොදම යාලුවො වෙච්ච පිරිමි ලමයි රොත්තකුත් හිටියා.ළහිරු,ජනිත්,කෝසල,වරුණ,කල්හාර...ඔන්න ඔයවගේ කට්ටිය.

ඒ කාලේ ගැණූ පිරිමි භේදයක් කියල එකකුත් දැනෙන්නෙ නැනේ,ගොඩක් වෙලාවට ඉන්ටර්වල් එකට කාලාබීලා ඉවර වෙච්ච ගමන්ම කරන්නෙ පිට්ටනියට දුවන එක.

ඉස්කෝලෙන් පස්සෙ ඉස්කෝලෙදිම කාලා,ආයෙත් කෝසලලගෙ ගෙදරට යනව ක්ලාස් එකට මිසුත් එක්කම.

ක්ලාස් එක ඇරුනම අප්පච්චි එනව එක්ක යන්න. ඔන්න දවසක් අප්පච්චිට පැමිණිල්ලක්!...

දුවගෙ අකුරු පොඩ්ඩක් බලන්න ගෙදරදී...


ඔය ටික විතරයි මට ඇහුනේ...තව හිමින් හිමින් මොනාද කුටු කුටු ගෑවා අප්පච්චි එක්ක මිස්.


මම් පන්තියේ ඉදන් හොර බැළළී වගේ බලාගන හිටිය.

අප්පච්චිත් ගෙදර ගිහින් පාඩම් කියලා දෙන අතරේ මට හොදටම දෙහි කැපුවා...

ඒ සද්දෙට ගෙදර ඔක්කොම සෙට් එක වටවුනා,ඇවිත් මගෙ පොතේ අකුරු බලනව...,ඒ අස්සෙ හීන්අත්ත කණ්නඩියත් දාගන ඇවිත් ඉන්නව, පොත් බලන්න... අත්අකුරු අදුනගන්න...

මෙන්න බොලේ මුලින්ම තියන අකුරු රටාව නෙමේ පස්සෙ පස්සෙ තියෙන්නෙ. :O

පොතේ මැද හරිය වෙද්දි වෙන කෙනෙක් ලියපු  අකුරු!...

හත් දෙය්යනේ! මේ හෙට අනිද්දා 5 වසරේ විභාගෙට ලියන්න ඉන්න කෙල්ල...අම්ම කියවනව...

 අම්මේ...! මෙයා කාට හරි කියල ලියවගන්නව වගේ...මේ අකුරු ගොඩක්ම වෙනස්...

ඒ අක්ක...එයා බලාගන ඉන්නෙ මගෙ කොහෙන් හරි ඇදයක් හොයාගන අප්පච්චිට කියල ගුටියක් වද්දවන්න...

දවසක මිස්ම පන්තියේදි නඩුව විසදුවා...පොත් චෙක් කරලා...මටයි අරලියාටයි එන්න කියල තදින්ම අවවාද කරා...අරලියා තමයි මම් වෙනුවට මගෙ පොතේ ලියල තියෙන්නෙ....

ඒත් මේ වෙද්දි මට හරියටම මතකයක් නෑ...ඉස්කෝලෙදි ඒ පීරියඩ් වෙලාවට මම් මොකද කරේ කියල?....:O

ගෙදර කට්ටියම කිව්වෙ දීල තිබ්බ නායිකා පට්ටමේ  බලේට මෙයා ඒ ලමයට කියලා ලියවගන වෙන්නැති කියල.

කොහොම හරි අන්තිමේ මගේ හොදම යාලුවොත් එක්කම මම් සෙන්ට්‍රල් එකට යන්න තරම්  ලකුණු අරන් තිබ්බ.අරලියා ෆේල් වෙලා!...:(

පස්සෙ කාලෙක අරලියා ඕ ලෙවල් වලින් හොදට පාස් වෙලා අපේ ඉස්කෝලෙට ආව,කොමර්ස් කරන්න.

ප.ලි: අනුන්ට කියල ලියවගත්ත නිසාද දන්නෙ නෑ,මේ වෙනකම්ම කවුරුත් මගේ අත් අකුරු ලස්සනයි කියල නෑ.ඒව බැලුවහම එහෙම කියන්නත් බෑනේ ඉතින්!....:)

ගිලෙන්න යාම | Can't you see I'm drowning

ඒ අපේ වාර්ශික චාරිකාව යෙදිලා තිබ්බ කාල සීමාව,10 වසරේ ලමයි නිසා අපිව දින දෙකක චාරිකාවක් අරන් යන්න තමා සූදානම් කරලා තිබ්බෙ. 

බලන්න යන්න ලෑස්ති කරල තිබ්බ තැන් වලින්, සිංහරාජ වනාන්තරය තමා මූලිකත්වයක් ගත්තෙ.තව ගොඩක් තැන් බලන්නත් එක්ක ගියා.

වෙන සැරවල් වල එක්ක යන්නෙ එක දවසෙන් ගිහින් එන්න පුලුවන් ට්‍රිප්.ඒ උනත් මේ සැරේ ට්‍රිප් එකට දවස් 2ක්ම.ඒ නිසාම ගොඩක් ආසාවෙන්  ලෑස්ති උනා.

අපරාදේ කියන්න බෑ,6 වසරේ ඉදලා 13 වසරට යනකම්ම හැම අවුරුද්දකම කොහෙහරි එක්ක ගියා අපිව ඉස්කෝලෙන්.

ආය ගෙදරින් ඔය යන හැමතැනම එක්ක යනව කියලැ.

ඒ නිසා ගෙදර අයත් තහංචි දැම්මෙ නෑ.යාලුවො යනව නම් යන්න කියල තමා කිව්වේ.අපි හිටියේ මිශ්‍ර ඉස්කෝලෙකනේ,ඒ නිසා පිරිමි ලමයිනුත් අපිත් එක්ක ට්‍රිප් එක යන්න එකතු උනා.

මට මතකේ හැටියට දවසක්ම වාගේ වෙන කරල තිබ්බා සිංහරාජ වන චාරිකාව වෙනුවෙන්.ඊට කලින්දා රාත්‍රිය ගතකරේ කලවාන සෙන්ට්‍රල් එකේ. සර්ලා මිස්ලා එක්ක කට්ටියම එකතුවෙලා උයාපිහාගන කාලා සෑහෙන්න විනෝදෙන් ගතකලා.

හැබැයි මට නම් පොඩි අකරතැබ්බයක් උනා ඊට කලින්දා හවස් ජාමේ.ඉස්කෝලෙ නැවතෙන්න එන්න කලින් අපි ගියා බෝපත් ඇල්ල බලන්න.ඒත් සෑහෙන උපදෙස් මැද්දේ,වතුරට එහෙම බහින්නෙ නෑ...උඩටම යන්නෙ නෑ...බ්ලා බ්ලා...ඔයවගේ නොයෙකුත් උපදෙස්.

අපි ඕව අහන එකක් යෑ අනික අපිත් එක්ක ගිය පිරිමි ලමයිනුත් ඉන්නවනේ මොකට බය වෙනවද කියල.ටිකක් උඩට ගියා.

මොන යනවද දවල් වරුවෙ නිසා ගල් රත් වෙලා කකුලුත් හොදටම පිච්චෙනව,සපත්තු ගලවලානේ වතුරෙ හිටියේ.

එ අතරේ එක තැනක අපි දැක්කා පිරිමි කට්ටියක් කනව බොනව.අපේ ලමයින්ටත් මොනාද කියල සර් කෙනෙකුත් බැන්නද කොහෙද එයාලට.ඒ නිසා මිස්ලත් කිව්වෙ ලමායි... පරිස්සමෙන් ගිහින් ඉක්මනට එන්න කියල.

මතකේ හැටියට අපි දවල් කෑම ගත්තෙත් එතනදි.ඉක්මනින්ම කාලා ඇල්ල බලන්න ලගට යන්න තමා අපිට ඕනෙ උනේ.ගිහින් ටිකක් වෙලා ඉදලා අපි සර්ල එක්කම එන්න ආව.

ඉක්මනට ගල්  උඩින්  අඩිය තිය තිය තමයි ආවේ ,ඒ තරම් රත් වෙලා,කකුල් පිච්චෙන තරමටම..

එක පාරටම අඩිය තියනව විතරයි මතක, මාව වතුර ඇතුලකට ඇදිලා ගියා.කිසිම දෙයක් හිතාගන්න කාලයක් තිබ්බෙ නෑ.හරියටම සුලියක් වගේ කැරකිලා කැරකිලා... ඇතුලටම යනව.උඩට එනව තියා හිතන්න වත් තේරුමක් නෑ.

ඒ අතරේ කවුද කෙනෙක් මගෙ අතින් අල්ලනව වගේ මතකයි.

එක පාරටම මම් උඩට ඇදිලා ආවා. 

කලන්තේ වගේ... ටික වෙලාවකින් මම් ගලක් උඩ වාඩිවෙලා ඉන්නව වගේ දැනුනා.,මුලු ඇගම තෙමිලා.වතුර බේරෙනවා...හුස්ම ගන්නත් අමාරුයි වගේ.

ඇස් ඇරල බැලින්නම් යාලුවො ටිකත් වට වෙලා.සරුත් බයවෙලා වගේ බලාගන ඉන්නව.

ඒ අස්සෙ නනා හිටපු පිරිමි කෙනෙක් මගෙ ඉස්සරහට වෙලා බලන් ඉන්නව.,.එයා කියන ඒව මට යාන්තමට වගේ ඇහුනා...

අත අහුවෙච්ච නිසා හොදයි.මම් මේ සද්දෙට මේ පැත්තෙ බැලුවෙ නිකන්.

එයා තමයි මාව බේරගන තිබ්බෙ,අපි ඇල්ල බලන්න එද්දි මග කකා බිබී හිටපු අය්යලා කට්ටිය ගෙන් කෙනෙක්.ඒ වෙද්දි එයාලත් එතන නනා ඉදලා.

අපේ සර් මුලදී එයාලට බැන්නත් එක්ක,ලමයින්ට අරව මේවා කියනව කියල,පස්සෙ නොසෑහෙන්න ස්තූතියි කියල,නොවැන්ද එක විතරයි.

එදායින් පස්සෙ ඉස්කෝලෙන් යන ට්‍රිප් වලට ටිකක් තහංචි වැටුනා,කොහෙ ගියත්,

වතුරට එහෙම බහින්නෙ නෑ හරිද!... කියල කමාන්ඩ් එක දීල තමයි ගෙදරින් යවන්නෙ.

පස්සෙ යාලුවොත් එක්ක ඒ ගැන කියව කියව ඇතිවෙනකම් අපි හිනා උනා.කට්ටිය මම් වැටුන හැටි,බේරගත්ත හැටි ඉස්කෝලෙ ඇවිල්ලා රගපපා කිව්වා.ඒ අස්සේ බේරගත්ත කෙනාගෙ ලස්සනත් වර්ණා කරා.

ඒත් වෙච්ච දේ බරපතලකම තේරෙන්නේ ඒ දේට මුහුන දීපු කෙනාට.ඒත් ලග හිටපු අයත් හොදටම බයවෙලා තිබුනා,එයාලට පෙනි පෙනීනේ ගිලිලා තිබ්බෙ,අනික ඔලුවත් පේන්නෙ නැතුව ගියාම!ඉවරයි කියල හිතෙන්න ඇති!.

බේරගන්න ආව කෙනා නිසා තමයි අද මම් ජීවතුන් අතර ඉන්නෙ,නැත්තම් මේ වෙද්දි මැරිච්ච තැන්වල ගසුත් පැලවෙලා.

පොල් ගෙඩියක් කළ හදියක්

මතක ඇති 90 දශකයේ මුල් කාලෙදි විතර,කාලයක් ඉස්කෝලවල ප්‍රාථමික ළමයින්ට කෑම නොමිලේ දුන්නා.ඒ වෙනුවෙන් කූපන් එකක් වගේ කාඩ් එකකුත් දීල තිබ්බ, ඉස්කෝලෙ එන දවසට ඒක මාර්ක් කරන්න. ඔන්න ඒදවස් වල වෙච්ච සිද්දියක් තමා මේ කියන්න යන්නෙ.

ඒ දවස්වල කෑම වෙනුවෙන් ප්‍රාථමික ළමයින්ට නොයෙක් දේවල්  නොමිලේ කන්න දුන්න ඉස්කෝලෙන්, එතකොට මම් 2 වසරේ විතර,සව් කැද,කවුපි,මුංඇට,කඩල,මාලු බනිස් අරව මේව එක එක ජාතියෙ  කෑම දුන්න.ගොඩක් වෙලාවට ඔය සමහර කෑම හදන්න ලොකු පන්තිවල ළමයි උදව්වටත් ගන්නව.

ඔන්න දවසක් අදුරන කෙනෙක් අපේ ගෙදර ආව එයාගෙ දුව ඉස්පිරිතාලෙ ගෙනල්ල ඇඩ්මිට් කරා කියල.හේතුව ඇහුවම කිව්වෙ ඔය ඉස්කෝලෙ කෑම දෙන වැඩකට උයන්න ගිහින් වෙච්ච ඇබැද්දියක් ගැන.මොකද දන්නවද වෙලා තියෙන්නෙ එදා ඉතින් මුංඇට එක්ක පොල්. තමයි ළමයින්ට දෙන්න වෙන්කරල තියෙන්නෙ.

ඒකට පොල් ගෙඩියක් බිදින්න ගිහින් අර ගෑණු ළමයගෙ ඇගිල්ලක එක පුරුකක් වෙන් වෙන්නම කැපිල ගිහින්.ඉතින් මේ තාත්ත අර ළමයත් එක්ක හොස්පිටල් ඇවිල්ල තියෙන්නෙ ඇගිලිකොටෙත් කමිස සාක්කුවෙ දාගන.එයා මුස්ලිම් කෙනෙක්.මට මතක විදියට ලේන්සුවක ඔතාගන ගෙනල්ල තිබ්බෙ,ඇගිල්ලෙ කෑල්ලක්. ඇගිල්ලෙ පුරුකක් විතර වෙන්නම කැපිල වෙන්වෙලා තිබුන.

ත්‍රිකෝණේ වලවල් හෑරීම

ලගදි දවසක අවුරුදු 32ක් වෙච්ච ගුරු ජීවිතෙන් අම්ම සමුගත්ත.ඒ අම්මට වයස අවුරුදු 60ක් පිරිල නිසා.අම්ම ඉගැන්නුවෙ 6 වසරෙ ඉදල 11වසර පංති දක්වා ගණිතය.ඒ අවුරුදු 32 කාලෙ පුරාවටම නොයෙකුත් ආකාරයේ සිද්දි වලින් ඉස්කෝල ජීවිතේ පිරිල තිබ්බ,සමහර වෙලාවට ඒ සිදුවීම් අපිත් එක්කත් බෙදාගන්න අම්මා අමතක කරේ නැ.මේ ඒවගේ සිද්දියක්.

මේ කාලෙ වෙනකොට අම්ම ඒ  ඉස්කෝලෙ අවුරුදු 5කට වඩා කාලයක් උගන්නල තිබුන,නගරෙ තිබ්බ ,සාපේක්ශව වැඩි ලමයි ප්‍රමාණයක් ඉන්නව කියපු ඉස්කෝලයක්.ඔය අතරෙ 5 වසර විහාගෙ පාස් වෙලා අලුතෙන්ම ඒ ඉස්කෝලෙට ආව ළමයිනුත් ඉදල තියනව.පාසල් වාරේ පටන් ගත්ත මුල් කාලෙ දවසක්  6වසරේ ලමයින්ට පාඩමක් කියල දීල ගණන් හදපු අයට පොත ගේන්න කියල,ඒ වෙද්දි අලුත් ලමයි නිසා නමුත් එච්චර හුරු නෑනේ.

ඉස්සරවෙලාම පිරිමි ලමයෙක් පොතත් අරන් එනවලු,ඒ ලමය ගණන් හදල තිබ්බ පොත ගොඩක් ලොකු පොතක්ලු.පිටු 360 වගේ මට මතක විදියට.බලද්දි "ගණන් ඔක්කොම ශෝක් එකට හදල තිබ්බ "කියල අම්ම කිව්වෙ.අම්මට ආස හිතිල,ඒ ලමය ගොඩක් පිලිවෙලට වැඩ කරල තිබ්බලු. ඉතින් ඒනිසා අම්ම ඒ ලමයගෙ ඔලුව අතගාල, ඔයාගෙ නම මොකද්ද පුතා ?... කියල එහෙමත් අහල.ඊට පස්සෙ අහල තියනව කවුද ඔයාට මෙච්චර ලොකු පොතක් අරන් දුන්නෙ කියල,අර ලමය උත්තර දීල "අරන් දුන්නෙ අපේ තාත්ත..." කියල.

ආ...පුතාගෙ තාත්ත මොකද කරන්නෙ කියලත් ඒත් එක්කම අහල,එතකොට තමා " තාත්තා ත්‍රිකෝණෙ වලවල් හාරනව " කියල පුදුම හිතෙන උත්තරයක් දීල තියෙන්නෙ.හිතාගන්න පුලුවන්ද එයා ඒ කිව්ව එකේ තේරුම?

ප.ලි: ඒ කතාව මට මතක් වුනේ ලගදි අපි ගමනක් ගිය වෙලාවක අය්ය කෙනෙක් ඇවිල්ල  "මිස්ට මාව අදුරන්න පුලුවන්ද?"  කියල අම්මගෙන් ඇහුව වෙලාවෙ,අම්ම දීපු උත්තරේත් එක්ක.පස්සෙ අම්ම කිව්ව ඔන්න ඔය ලමය තමා අර ත්‍රිකොණේ වලවල් හාරනවා කියල කිව්වෙ කියල.එයාගෙ තාත්තගෙ රෑකියාව වෙලා තියෙන්නෙ,සංස්කෘතික ත්‍රිකෝණෙ කැනීම් කරන එක.