Sunday, July 22, 2012

සමාධි බුදු පිළිමය


අනුරාධපුරේ අභයගිරියට ආසන්නගේ වැඩවසන සමාධි බුද්ධ පුතිමා වහන්සේගෙන් නිරූපණය කරනු ලබන්නේ බුදුරජාණන් වහන්සේ සමාධි සුවයෙන් වැඩ සිටින ආකාරයයි.



බුදුහාමුදුරුවන් වහන්සේගේ මහා කරුණා ගුණය මේ පිළිමය තුලින් ඉස්මතුවෙනව කියලත් කියනව.මේ පිළිමය කළාත්මක අතින් ඉතා ඉහලයි.අනිත් බුදු පිළිම එක්ක සසදන කොට වඩා ශාන්ත බවකුත් දකින්ඩ ලැබෙනව.


හිඳි පිලිමයක් වන සමාධි බුදු පිළිමය වම් පාදයට උඩින් දකුණු පාදය තබා ගෙන සිටින ආකරය පෙන්නුම් කරනව.එය   "වීරාසනය" ලෙසත් වම් අත මත දකුණු අත තබා සිටින ආකාරය "ධ්‍යාන" මුද්‍රාව ලෙසත් හඳුන්වනව.



ප්‍රථිමාවට පිටුපාල පින්තූර අරගන්න එපා කියල බෝඩ් එකකුත් තිබුන






අභයගිරියට පෙනෙන මානයේ තමයි අද වෙනකොට මේ පිළිමය තියෙන්නෙ.පිළිමයේ උස අඩි හතකටත් වඩා වැඩියි කියලයි කියන්නෙ.අඩි හතයි අගල් තුනක් විතර වෙනවලු.පපුව ,උදරය මත තියන තුවාල නිධන් හොරුන් විනාශ කරන ලද ඒවා බව සදහන්.
 

මේ පිළිමයේ නහය කැඩී විනාශ වෙලා ගිහින් තමයි තිබිල තියෙන්නෙ.මේ පිළිමය හම්බ වෙනකොට බිමට පතිත වෙච්ච පිළිමයක් විදියටලු තිබුනේ.ඒ නිසා පිළිමයේ නහය විනාශවෙලා වෙන්න පුලුවන්.අලුතින් හදපු නහය පිළිමයට ගැලපෙන්නෙ නෑ කියල තමයි ගොඩක් දෙනා කියන්නෙ.







මෙන්න අභය ගිරිය සමාධිපිළිමය ලගට පේන හැටි

Saturday, July 21, 2012

ථූපාරාමය

ථූපාරාමය ස්ථූපය කියන්නෙ සොලොස්මස්ථාන වලින් එකක්.සොලොස්මස්ථාන අපිට වැදගත් වෙන්නෙ බුදුහාමුදුරුවන්ගේ පාදස්පාර්ශය ලබපු ස්ථාන වන නිසා.

මිහිදු හාමුදුරුවෝ ලංකාවට වැඩම කරන කාළෙදි ලංකාවේ රජකම් කරපු දෙවනපෑතිස් රජතුමා කරවපු මුල්ම චෛත්‍යය තමයි ථූපාරාමය.මේ චෛත්‍යයේ නිදන් කරල තියනව කියන්නෙ බුදුහාමුදුරුවන් වහන්සේගේ දකුණු අකු ධාතුව.

කාලෙකට පස්සෙ අද ථූපාරාමය වන්දනා කරගන්න පුලුවන් උනා.ඒ ගමනේදි ගත්ත පින්තූර ටිකක් තමයි මේ තියෙන්නෙ.

ථූපාරාමය ඈතට පේන හැටි


මෙන්න ප්‍රධාන දොරටුව

කප් රුක් පූජාවකුත් තිබුනා


මේ එයාලා කොඩියෙන් ස්ථූපය ආවරණය කරනව


නැචුරලුත් ගියානේ






Tuesday, July 10, 2012

මිස් ඉරට්ටෙද?


උදේම ඇවිත් බස් එකේ ඉදගත්ත විතරයි මෙන්න තඩි මල්ලකුත් කරගහන් වයස 30ක විතර පිරිමි කෙනෙක් බස් එකට නැග්ගා.ගොඩක් වෙලාවට මම් යන්නෙ බස් එකේ ඉස්සරහම, වම්පැත්තෙ තුන්වෙනි පේළියේ කොනේම සීට් එකේ.එතන හිටියාම බහින්නත් ලේසියි.අනික සෙනග වැඩි උනා කියල හිර වෙන්න කරදර විදින්න ඕනේත් නෑනේ.

බස් එක පිටත් වෙන්නෙ 6.35ට විතර.මම් බස් එකට නැගලා ඒ එක්කම වෙලාව බැලුව, හරියටම තව විනාඩි 10කින් විතර බස් එක යනව.ඒ එක්කම අර නැග්ග මනුස්සය එයා ගෙනාව තඩි බෑග් එක ඩ්‍රයිවර්ගෙ ශීට් එක ලගින්ම තියල වට පිට බැලුව.ඒ වෙද්දි බස් එකේ සෙනග සීට් වලට තරම් ප්‍රමාණයක් වත් හිටියෙ නෑ ගොඩක් අය නගින්නෙ මගදි...

වටපිට බලලා ඕන තරම් ශීට් තියෙද්දී මෙයා හරි බරි ගැහිලා මට එහා පැත්තෙන් වාඩි උනා.මම් නොදැක්කා වගේ හිටියා.මොකද ඒකේ විශේශත්වයක් නෑනේ ඉතින්.

බැලූ බැල්මට මෙයා මේ පාරෙ බස් වල ගිහින් පුරුදු කෙනෙක් වගේ.ඒ වෙද්දි මට ඒ පාර එච්චර හුරුවක් තිබ්බෙ නෑ මොකද මේ සිද්ධිය වෙද්දි රස්සාවට යන්න අරන් දවස් දෙකයි.

වාඩිඋන ගමන් අහට්ට මෙහට්ට කැරකෙනව.ෆොර්න් එක අරන් බලනව එක විකාරයයි.මට ටිකක් තරහත් ගියා ඇයි යකෝ මෙච්චර ශීට් තියෙද්දි මේකෙම ඇවිත් වාඩි උනේ කියල. අනේ දෙය්යනේ ප්‍රෙග්නන්ට් ලේඩි කෙනෙක් වත් ආවොත් හරි! මෙයාට නැගිටින්න වෙනවනේ...මම් යටි හිතින් එහෙම හිතුව.මෙන්න එක පාරටම...

ගුඩ් මොර්නින්ග් මිස්!

ගුඩ් මොර්නින්ග්! මමත් රිප්ලයි කරා...

මේ බස් එක කීයටද යන්නෙ.?

6.35ට.

*** කෑම්ප් එක ලගට යද්දි කීය විතර වෙනවද දන්නෙ නෑනේද?.

දන්නෑ...

ආහ්! එයා වෙලාව බලනව ඔරලෝසුවෙන්.

මම් එහා පැත්තෙ ජනේලෙන් අහක බලාගත්ත.මට තේරුනා මෙයා තවත් කතා කරන්න තටමනව කියල.

මිස් ඉරට්ටෙද?

........???? (මම් පුදුමෙන් බැලුවා)

ඉරට්ටෙද මිස්?

මොකද්ද?

මිස් කොහෙද?

ම්ම්...

මිස් කොහෙද වර්ක් කරන්නෙ?


මම් කිසිදෙයක් නොකියා හිනා උනා, හහ්... මම් මොකටද නොදන්න කෙනෙක්ට මගෙ විස්තර කියන්නෙ?


ටීචින්ද?

නැහ්...

එහෙනම්?

ම්...


මිස් කතාකරන්න කැමති නෑ වගේ...(එයා තනියම කියවනව හික්:) ).

පස්සෙ ටික වෙලාවකින් ඒ මනුස්සයා නැගිටලා වෙන ශීට් එකක වාඩි උනා.පැ‍යකට විතර පස්සෙ **** හරියෙ තියන  *** කෑම්ප් එක ඉස්සරහින් බැහැල ගියා.

ඔය කතාව මම් අපේ කට්ටිය එක්ක කිව්වම තමා දන්නෙ ඉරට්ටෙ කියල ගමක් තියන විත්තිය.ඒ ගමේ තියනවලු ලොකු ඉස්කෝලයක් ඒකට කියන්නෙ "ඉරට්ටෙ ඉස්කෝලෙ" කියලලු.මම් ඒක දැක්කෙ පස්සෙ.අර කෙනා හිතන්න ඇති මම් ඒකෙ උගන්නන ඉස්කෝලෙ හාමිනේ කෙනෙක් කියල :).ඒ ගමේ නම ඉරට්ටපෙරියකුලම (Irattaperiyakulam).මිනිස්සු පහසුව තකා ඒ ගම හදුන්වන්නෙ ඉරට්ටෙ නමින්.

ඉතින් මම් කලින් දැනගන හිටිය නම් අර මනුස්සයට එහෙම සලකන්නෙ නෑ:) .අන්දුන් කුන්දුන් වෙන්නෙ නැද්ද එක පාරටම මිස් ඉරට්ටෙද? කියල ඇහුවම.මට ඒත් කියන්න හිතුනා නෑ ඔත්තෙ කියල :පි.

Saturday, July 7, 2012

හිතාදර පනූ



මං දන්නව ඔයා මූණු පොතට ලොග් වෙන්නෙ නෑ කියල 
දවස් වල ඉදන්ම account එකේ
 පාස්වර්ඩ් එක තිබ්බෙ මං  ලග
ඔයාට මූණු පොතත් එක්ක ඉන්න වෙලාවක් තිබ්බෙ නෑ 
ඒතරම්ම වැඩ
 එහෙම නැත්තම් ලොග් වෙන්න කම්මැලී කියනව
අපි වෙන්වුනා කියල ඒ account එක වෙනස් උනේ නෑ
 ඔහේ තිබ්බ 
මතක් වෙච්ච වෙලාවට
 කලාතුරකින් මං ලොග් වෙලා බලනව
ඒ අතරෙ ඔයාගෙ යාලුවො අඩෝ....කාලෙකින්!කියනව
මම් දැක්කෙ නෑ වගේ ඉන්නව
මොකද ඩෝ......silent !කියල අහද්දි
මම් ලාවට ශේප් වෙලා ආගිය තොරතුරු කියනව
 එච්චරයි
පස්සෙ පස්සෙ ලොග් වෙද්දි ඕෆ්ලයින් දාල ලොග් උනා  
ඒ ඔයාගෙ යාලුවො අහන ප්‍රශ්ණ වලට උත්තර දෙන්න
 මං දන්නෙ නැති නිසා
නැත්තම් ඒ අය බලයි මේ කවුද කියල
ඒ අය දන්නෙ නෑනේ ලොග් වෙන්නෙ ඔයා නෙමේ මං කියල
ඔයා ලොග් වෙන පාටක් පේන්නම තිබ්බෙ නැති නිසා 
මම් කාලයක් අකවුන්ට් එක ඩිස්කනෙක්ට් කරල තිබ්බ
මගෙ මූණු පොතෙන් ඔයාව රිමූව් කරල ගොඩක් කල්
ඒක ඔයා දන්නව
ඒත් ෆේක් අකවුන්ට් එකකින් යාලුවෙක් විදියට ඉන්නව
ඒක ඔයාට මතක ඇති
මේ දවස් වල මෙහෙ පාරවල් හදනව  
සමහර වෙලාවට අර ත්‍රිකෝණ පාරෙ තියනව දකිනව
 ඒ වෙලාවට මට ඔයාව මතක් වෙනව
ලගදි  එන්ගේජ් උනා කියල ආරංචි උනා
එව්ව මැසේජසුත් මට හම්බුනා
රිප්ලයි කරන්න හිතුනා ඒත් උවමනාවෙන්ම ඒක මග හැරියා
කෝල් කරත් මං ආන්සර් කරේ නැත්තෙ හිතලමයි
ඔයා ගත්ත තීරණය හරි
නොවෙන නොගැලපෙන දෙයක් පස්සෙ ගිහින් 
කාලෙ කාදාන එක වැඩක් නෑ
බලාගන හිටිය හොදටම ඇති
ඕනෙ දේක සීමාවක් තියෙන්න එපැයි
වෙලාවකට මට ඊරිසීයාත් හිතෙනව  
එක අතකින් සතුටුයි
ඔයා හැමදේම අමතක කරල 
අලුතින් ජීවිතයක් පටන් ගත්ත එක ගැන
මූණු පොතේ පින්තූර ගොඩක් දාල තිබ්බ
අහම්බෙන් මං දැක්ක
මට පුදුමත් හිතුන මූණු පොතට ලොග් වෙලා තියනව දැක්කම
පින්තූර ටික දාන්නම් කියල කියල තිබ්බ
 මං හිතුවෙ නෑ ලොග් වෙයි කියල  
 ඒත් මට එක දෙයක් කියන්න ඕනේ
වෙනදා වගෙ කෝල් කරල
 කොහෙද ඉන්නෙ? මොනවද කරන්නෙ?
ආගිය තොරතුරු කතා කරන්න
 විස්තර කියන්න හදන්න එපා 
මම් හිතන්නෙ නෑ එහෙම කතා කරන එක හොදයි කියල

මගදි අහම්බෙන් හම්බුනොත්
 කතාබහ කරල යන එක වෙනම දෙයක්
මොකද දැක්කොත් අහක බලන් නොදන්න අය වගේ 
යන්න තරම් ප්‍රශ්ණ අපිට නෑනේ


එහෙනම් ඔන්න මගෙනුත් අලුත් ජීවිතේට සුභ පැතුම්
ඔබ දෙපළට සියළු පැතුම් ඉටුවන ප්‍රීතිමත් විවාහ දිවියක් වේවා!!!

Sunday, July 1, 2012

මික්ස් ස්කූල්ස් වල අයට ඕවා නෑ


මම නම් පුංචි කාලෙ ඉදන් ඉස්කෝලෙන් අයින් වෙනකම්ම ගියෙ මික්ස් ස්කූල්ස් වලට.ස්කූල්ස් කිව්වට මහ ගොඩක් නෑ...2කකට විතරයි ඉතින්.1 වසරෙ ඉදන් 5 වසර වෙනකම් ටවුන් එකේ තිබ්බ පොඩි ඉස්කෝලෙකට, ඒක මික්ස් ස්කූල් එකක්.ඒ කියන්නෙ ජාති දෙකෙන්ම ලමයි හිටියා...:).,ඊට පස්සෙ 5හේ විභාගෙ පාස් වෙලා මධ්‍ය මහා විද්‍යාලෙට.ඒකත් මික්ස් ස්කූල් එකක්.ඒකටත් ආව මික්ස් ස්කූල්ස් වල ලමයි වගේම කොන්වන්ට්,ජෝශප්ස් වගේ ඉස්කෝල වල ලමයිනුත් ..ගෑණු පිරිමි ළමයි එකට ඉන්න එක ඒ අයට නම් ටික කාලයක් යනකම් හුරු වෙන්න අපහසු උනා.

අපිට නම් ඒ හැටි ගානක් උනේ නෑ.මොකද පොඩිම කාලෙ ඉදන් අපේ හොදම යාලුවො උනෙත් පිරිමි ලමයි.කොන්වන්ට් එකෙන් ආව ගෑණු ලමයෙක්ගෙ ඇගේ පිරිමි ලමයෙක් වැදුනත් එයාලට නිකන් කහඹිලියා වගේ තමයි.හැමෝම නෙමේ සමහරු එහෙම හැසිරුනා.

මට මතකයි දවසක් කැම්පස් එකේදි  ඔහොම කොන්වන්ට් එකක ඉදලා ආව ලමයෙක් අපේ ටේබල් එකේ කෑම කනව.ඔක්කොම හිටියෙ ගෑණු ලමයි එතන.අපි අදුරන පිරිමි ලමයි කීපදෙනෙක් ආව විතරයි අරයට කකා හිටපු කෑම එක කන්න බැරුව ඒකත් අරන් නැගිටලා ගියා.එයාට පිරිමි ලමයි ආව එකෙන් අපහසුවක් දැනෙන්න ඇති හුරු නැති නිසා.

අපි ඒ ලෙවල් කාලෙ ටියුශන් යනවනේ, ඔන්න ඔය දවස්වල ක්ලාස්වල බංකු ගොඩක් එක ලගින් නේ තියෙන්නෙ ඉතින්...එක බංකුවක 8 දෙනෙක් විතර වාඩි වෙනව.දවසක් පරක්කු වෙලා ගෑණු ලමයෙක් ඇවිත් ඉස්සරහ බංකුවක වාඩි උනා ඊට පිටි පස්සෙ බංකුවේ  හිටපු පිරිමි ලමයෙක්ට ඒ එක්කම නැගිට්ටුනා.ලමයි හැමෝම හිනා උනා...

පස්සෙ ඒ පිරිමි ලමය කියල තිබුනා ඒ ලමය මගෙ ඇගේ ගෑවුන නිසා මම් නැගිට්ටෙ කියල.එයා යන්නෙ පිරිමි ස්කූල් එකකටලු.ගෑණු ලමයි එච්චරම හුරු නෑලු.ගෑණු ලමයි යාලුවොත් අඩුලු.

ඒත් සමහරුන්ට නම්  ඔය ප්‍රශ්න මොකවත් නෑ...මික්ස් ස්කූල් වල ලමයින්ට වඩා හොදට ජාති දෙකේම ලමයි එක්ක හොදට හැසිරෙන්න දන්නව.හොදට ගැටෙනව.

සමහර අම්මල තාත්තලා ලමයින්ව බෝයිස් ස්කූල්,ගර්ල්ස් ස්කූල් වලට යවන්න තීරණය කරනව.ඒක ඒ අයගේ කැමැත්ත.ඇත්තටම වඩා හොද එහෙම වෙන්වෙන්ව තියන ඉස්කෝලයකට ලමය යවන එකද නැත්තම මික්ස් ස්කූල් එකකට යවන එකද?
 
අදහස 01:
අපෝ තනි ජාතියක් ඉන්න එයෑ විනය අන්තිමයි
එකක් තමා විනයක් නෑ
ඕන වැඩක් කරනවා
අනිත් එක තමා ගෑල්ලමයෙක් එක්ක කතා කරන්ඩ ඕන විදිහ ඉගෙන ගන්නේ නෑ
ගෑල්ලමයි ඉන්නවනම් කෙල්ලෝ ඉන්න නිසා චාටර් නොවී ඉන්ඩ කොල්ලෝ බලනවා
ඒ නිසා නිකන්ම වගේ වැරදි වැඩ අඩු කරනවා
අනිත් එක තමා පංති වලපිලිවෙලක් නෑ.
ඒක ඉගෙන ගන්නේ නෑ
ගෑල්ලමයින්ගේ ඉස්කෝල වල නම් අඩුම ගානේ ගෑල්ලමයි හරියට පුටුවක වාඩු වෙන්න ඉගෙන ගන්නේ නෑ.
කෙල්ලෝ නිකන් කොල්ලෝ වෙන්ඩ යනවා.
සමහර වෙලාවට තරුණ පහේ ටීචර්ලට එහෙම ඉන්ඩ නෑ.
ඇයි ඉතින් ගෑල්ලමයෙක්වත් නෑනේ ඉස්කෝලේ
හික්ස් :)
අදහස 02:
මම නම් හිතන්නෙ මික්ස් ස්කූල් වලට යවන එක...
මම ගිය ස්කෝල 4ම ඒව
ම්ම්....
මේමයි
මං නං දකින විදියට ඔය වෙන වෙනම ස්කොල වලට යන අයගෙ මානසික ප්‍රශ්න වැඩියි
අනික අනාගතයේදි, සමාජගතවුනාම එහෙම අය සමාජයත් එක්ක මුසුවිම ගැටලුකාරි වෙන්න පුලුවං. 
 අදහස 03:
මික්ස් එකකට යවන එක .
හේතුව තමයි සාමන්‍යන් ළමයෙක් ලමා කාලයේ සිටම කවලමේ හිටියම විශේශත්වයක් දකින්නේ නැ.අ නික විරුද්ද පාර්ශවය හදුනා ගන්නවා. ඔවුන්ට දෙවර්ගයම සාමන්‍ය අය වෙනවා. වෙනම තියෙන ස්කොලෙක එහෙම වෙන්නේ නැ. ඔවුන්ට ආශාවක් කැමැත්තකින් පෙලෙනවා. මික්ස් එකක නම් ඔවුන් අශරය කරන්න සම වයසේ ලමුන්.නමුත් ගැනු ලමයින්ගේ විතරක් එකකදි ඔවුන් කුමන හෝ පිරිමියෙක් වෙත ආකර්ශනය වෙනවා. අද සමාජයත් එක්ක ගත්තම දරුවා අමරුවේ වැටෙන්න තියෙන ප්‍රතිශතය එතකොට වැඩියි
 අදහස 04:
මික්ස් ස්කූල් එකකට යවන එක
එතකොට ඇම්ම අඩු වෙනවා
නැත්තම් ඇම්ම වැඩි වෙනවා
විරුද්ධ ලිංගිකයන් ගැන විකෘති අදහස් එනවා
මික්ස් ස්කූල් වල අයට ඕවා නෑ 
අදහස 05:
ඉස්කොලේ නොයවා ඉන්න එක තාම හොද මයේ හිතේ ..:P
අදහස 06:

mix
reason
gl schols are full of drty attitudes, no need to explain ne
wt abt boys schools then?

gls try to get thr freedom at schol
bt byz have it alredy in society.
මෙන්න මෙහෙමයි කීපදෙනෙක් මේ ගැන අදහස් ප්‍රකාශකරේ... මේ දේ සම්භන්ධයෙන් ඔයාලගෙ අදහසුත් කියන්න බලන්න.ඇයි මෙහෙම වෙන් වෙන් වශයෙන් ස්කූල්ස් ඇති වෙන්න ඇත්තේ...???